മുകേഷ്, ധ്യാന്‍ ശ്രീനിവാസന്‍, ഷൈന്‍ ടോം ചാക്കോ, ദുര്‍ഗ്ഗാ കൃഷ്ണ എന്നിവരെ പ്രധാന കഥാപാത്രങ്ങളാക്കി എം എ നിഷാദ് തിരക്കഥയെഴുതി സംവിധാനം ചെയ്യുന്ന ചിത്രമാണ് ‘അയ്യര് കണ്ട ദുബായ്’. വെല്‍ത്ത് ഐ പ്രൊഡക്ഷന്‍സിന്റെ ബാനറില്‍ വിഘ്‌നേഷ് വിജയകുമാറാണ് ചിത്രം നിര്‍മ്മിക്കുന്നത്. ജാഫര്‍ ഇടുക്കി, സോഹന്‍ സീനുലാല്‍, സുനില്‍ സുഗത, പ്രജോദ് കലാഭവന്‍, ദിവ്യ എം നായര്‍, രശ്മി അനില്‍, തെസ്നി ഖാന്‍ എന്നിവരാണ് മറ്റു താരങ്ങള്‍.
ഒരു മുഴുനീള കോമഡി എന്റര്‍ടെയിനറാണ് ആയ്യര് കണ്ട ദുബായ്. ചിത്രത്തിന്റെ ഷൂട്ടിംഗ് ഉടന്‍ ദുബായില്‍ തുടങ്ങും.
സിദ്ധാര്‍ഥ് രാമസ്വാമി ഛായാഗ്രഹണം നിര്‍വ്വഹിക്കുന്നു. പ്രഭാവര്‍മ്മ, റഫീക്ക് അഹമ്മദ്, ബി കെ ഹരിനാരായണന്‍, മനു മഞ്ജിത് എന്നിവരുടെ വരികള്‍ക്ക് ആനന്ദ് മധുസൂദനനാണ് സംഗീതം ഒരുക്കുന്നത്. എഡിറ്റര്‍ ജോണ്‍ക്കുട്ടി, പ്രൊഡക്ഷന്‍ കണ്‍ട്രോളര്‍. ബിനു മുരളി, ഫിനാന്‍സ് കണ്‍ട്രോളര്‍ നിയാസ് എഫ് കെ, സ്റ്റുഡിയോ ചലച്ചിത്രം ഫിലിം സ്റ്റുഡിയോ, സ്റ്റില്‍സ് കെ എന്‍ നിദാദ്, പരസ്യകല യെല്ലോ ടൂത്ത്സ്, കല പ്രദീപ് എം വി, കോസ്റ്റ്യൂം ഡിസൈനര്‍ അരുണ്‍ മനോഹര്‍, മേക്കപ്പ് സജീര്‍ കിച്ചു, അസോസിയേറ്റ് ഡയറക്ടര്‍ പ്രകാശ് കെ മധു, സൗണ്ട് ഡിസൈന്‍ രാജേഷ് പി എം, ഓഡിയോഗ്രാഫി-എം ആര്‍ രാജകൃഷ്ണന്‍. പിആര്‍ഒ എഎസ് ദിനേശ്.
കഴിഞ്ഞ ദിവസമായിരുന്നു ചിത്രത്തിന്റെ ടൈറ്റില്‍ ലോഞ്ച്. എം.എ നിഷാദ് ആദ്യമായി നിര്‍മ്മിച്ച ഒരാള്‍ മാത്രം എന്ന ചിത്രത്തിന്റെ സംവിധായകന്‍ സത്യന്‍ അന്തിക്കാടിനെ ചടങ്ങില്‍ ആദരിച്ചു. സിനിമയുടെ ടൈറ്റില്‍ ലോഞ്ച് സംവിധായകന്‍ സിബി മലയില്‍ നിര്‍വഹിച്ചു. വെല്‍ത്ത് ഐ പ്രൊഡക്ഷന്‍സിന്റെ ലോഗോ സംവിധായകന്‍ ജോഷിയും സിനിമയുടെ കാസ്റ്റ് & ക്രൂ ലിസ്റ്റ് നിര്‍മ്മാതാവ് സിയാദ് കോക്കറും പുറത്തിറക്കി. എം.എ നിഷാദിന്റെ സിനിമ ജീവിതത്തിന്റെ ഇരുപത്തിയഞ്ചാം വാര്‍ഷികാഘോഷം മന്ത്രി വി.എന്‍. വാസവന്‍ ഉദ്ഘാടനം ചെയ്തു.
Recent Comments