ജോജു ജോര്‍ജ് ആദ്യമായി ഇരട്ടവേഷത്തിലെത്തുന്ന ചിത്രമാണ് ഇരട്ട. ഇരട്ടയുടെ ട്രെയിലര്‍ പുറത്തിറങ്ങി. ആക്ഷനും സസ്‌പെന്‍സും നിറഞ്ഞ ചിത്രമാണ് ഇരട്ടയെന്ന് ട്രെയിലര്‍ ഓര്‍മ്മിപ്പിക്കുന്നു.
ഇരട്ട സഹോദരങ്ങളായ രണ്ട് പോലീസ് ഉദ്യോഗസ്ഥരുടെ ജീവിതം പറയുന്ന ചിത്രം, ഇവര്‍ക്കിടയിലെ പകയുടെ കൂടെ കഥയാണ്. അവര്‍ക്കിടയില്‍ അവിചാരിതമായി ഉണ്ടാകുന്ന ചില സംഭവ വികാസങ്ങള്‍ ചിത്രത്തെ കൂടുതല്‍ ആകാംഷ നിറഞ്ഞതാക്കുന്നു. ജോജുവിനൊപ്പം നായികാകഥാപാത്രത്തെ അവതരിപ്പിക്കുന്നത് അഞ്ജലിയാണ്.
നവാഗതനായ രോഹിത് എം.ജി കൃഷ്ണനാണ് ഇരട്ടയുടെ കഥയും തിരക്കഥയും എഴുതി സംവിധാനം ചെയ്തിരിക്കുന്നത്.
നായാട്ടിനുശേഷം മാര്‍ട്ടിന്‍ പ്രക്കാട്ട്, ജോജു ജോര്‍ജ്, സിജോ വടക്കന്‍ എന്നിവര്‍ ചേര്‍ന്നാണ് ഇരട്ട നിര്‍മ്മിക്കുന്നത്. സ്രിന്ധ, ആര്യാ സലിം, ശ്രീകാന്ത് മുരളി, സാബുമോന്‍,അഭിരാം എന്നിവരാണ് ഇരട്ടയിലെ മറ്റു പ്രധാന കഥാപാത്രങ്ങളെ അവതരിപ്പിക്കുന്നു. പി.ആര്‍.ഒ. പ്രതീഷ് ശേഖര്‍.
Recent Comments