പോറസ് സിനിമാസിന്റെ ബാനറില്‍ പ്രേം കല്ലാട്ടും പ്രീനന്ദ് കല്ലാട്ടുമാണ് ചേര്‍ന്ന് നിര്‍മ്മിക്കുന്ന അസ്ത്രായുടെ ഫസ്റ്റ് ലുക്ക് പോസ്റ്റര്‍ പുറത്ത് വിട്ടിരിക്കുന്നത്. ആസാദ് അലവിലാണ് സംവിധായകന്‍. അമിത് ചക്കാലക്കല്‍ പ്രധാന കഥാപാത്രത്തെ അവതരിപ്പിക്കുന്ന ചിത്രത്തിലെ നായിക പുതുമുഖ താരമായ സുഹാസിനി കുമരനാണ്.
കലാഭവന്‍ ഷാജോണ്‍, സന്തോഷ് കീഴാറ്റൂര്‍, ശ്രീകാന്ത് മുരളി, സുധീര്‍ കരമന, അബുസലിം, ജയകൃഷ്ണന്‍, രേണു സൗന്ദര്‍, മേഘനാഥന്‍, ചെമ്പില്‍ അശോകന്‍, പുതുമുഖ താരം ജിജു രാജ്, നീനാക്കുറുപ്പ്, ബിഗ്ബോസ് താരം സന്ധ്യാ മനോജ്, പരസ്പരം പ്രദീപ്, സനല്‍ കല്ലാട്ട് തുടങ്ങിയവരും ചിത്രത്തിലെ മറ്റ് കഥാപാത്രങ്ങളെ അവതരിപ്പിച്ചിരിക്കുന്നു.
ബി കെ ഹരിനാരായണന്‍, ഏങ്ങണ്ടിയൂര്‍ ചന്ദ്രശേഖരന്‍ എന്നിവരുടെ ഗാനങ്ങള്‍ക്ക് ഈണം പകര്‍ന്നിരിക്കുന്നത് മോഹന്‍ സിത്താരയാണ്. പശ്ചാത്തലസംഗീതം റോണി റാഫേല്‍, നവാഗതരായ വിനു കെ. മോഹന്‍, ജിജുരാജ് എന്നിവരുടേതാണ് രചന. ഡി.ഒ.പി കൈകാര്യം ചെയ്തിരിക്കുന്നത് മണി പെരുമാള്‍. എഡിറ്റിംഗ് അഖിലേഷ് മോഹന്‍. ചമയം രഞ്ജിത്ത് അമ്പാടി. വസ്ത്രലങ്കാരം അരുണ്‍ മനോഹര്‍. പ്രൊഡക്ഷന്‍ കണ്‍ട്രോളര്‍ രാജന്‍ ഫിലിപ്പ്, കലാസംവിധാനം ശ്യാംജിത്ത് രവി. ആക്ഷന്‍ മാഫിയ ശശി. അസ്ത്ര എന്ന ചിത്രം ഉടന്‍തന്നെ തിയേറ്ററുകളില്‍ പ്രദര്‍ശനത്തിനെത്തും. പിആര്‍ഒ എംകെ ഷെജിന്‍.
Recent Comments