സൂപ്പര്‍ ഗുഡ് ഫിലിംസിന്റെ ബാനറില്‍ ആര്‍ ബി ചൗധരിയും ഇഫാര്‍ മീഡിയയുടെ ബാനറില്‍ റാഫി മതിരയും ചേര്‍ന്ന് നിര്‍മ്മിക്കുന്ന ദിലീപ് ചിത്രത്തിന്റെ ലോഞ്ചും സ്വിച്ചോണ്‍ കര്‍മ്മവും എറണാകുളം ക്രൗണ്‍ പ്ലാസ ഹോട്ടലില്‍ വെച്ച് നടന്നു. ടൈറ്റില്‍ പിന്നീട് പ്രഖ്യാപിക്കും. സംവിധായകന്‍ ജോഷി ഭദ്രദീപം തെളിയിച്ചു. നിര്‍മ്മാതാവ് ആര്‍ ബി ചൗധരിയുടെ മകനും പ്രശസ്ത സിനിമാതാരവുമായ ജീവ സ്വിച്ചോണ്‍ കര്‍മ്മം നിര്‍വ്വഹിച്ചു. നിര്‍മ്മാതാവ് റാഫി മതിര ഫസ്റ്റ് ക്ലാപ്പടിച്ചു.
വന്‍ താരനിര അണിനിരക്കുന്ന ചിത്രത്തിലെ പ്രധാന താരങ്ങളുടെയും സാങ്കേതിക പ്രവര്‍ത്തകരുടെയും പേരുകള്‍ ചടങ്ങില്‍ അറിയിച്ചു. പാപ്പനിലൂടെ മലയാളികളുടെ ഇഷ്ടം എറ്റുവാങ്ങിയ നീത പിളളയാണ് ദിലിപിന്റെ നായികയായി എത്തുന്നത്. കന്നഡ – തെലുങ്ക് സിനിമയിലെ താരറാണിയായ പ്രണിത സുഭാഷ് മറ്റൊരു കേന്ദ്രകഥാപാത്രത്തെ അവതരിപ്പിക്കുന്നു. സൂര്യ, കാര്‍ത്തി, മഹേഷ് ബാബു, പവന്‍ കല്ല്യാണ്‍, ഉപേന്ദ്ര തുടങ്ങിയ താരങ്ങളുടെ നായികയായി തിളങ്ങിയിട്ടുളള പ്രണിത സുഭാഷ് ആദ്യമായി മലയാളത്തില്‍ അഭിനയിക്കുന്ന ചിത്രം കൂടിയാണിത്. ഷൈന്‍ ടോം ചാക്കോ, അജ്മല്‍ അമീര്‍, മനോജ് കെ ജയന്‍, സിദ്ദിഖ്, ജോണ്‍ വിജയ്, സമ്പത്ത് റാം, കോട്ടയം രമേഷ്, മേജര്‍ രവി തുടങ്ങിയ പ്രമുഖരാണ് മറ്റു താരങ്ങള്‍.
സൂപ്പര്‍ ഗുഡ് ഫിലിംസും ഇഫാര്‍ മീഡിയയും ചേര്‍ന്ന് നിര്‍മ്മിക്കുന്ന ചിത്രത്തിന്റെ സംവിധായകന്‍ രതീഷ് രഘുനന്ദനാണ്. ഉടലിനുശേഷം രതീഷ് സംവിധാനം ചെയ്യുന്ന ചിത്രംകൂടിയാണിത്.
ചിത്രത്തിന്റെ ഷൂട്ടിംഗ് നാളെ കോട്ടയത്ത് ആരംഭിക്കും. ദിലീപ് ഫെബ്രുവരി 5 ന് ജോയിന്‍ ചെയ്യും. നാദിര്‍ഷയുടെ ഒരു ഗള്‍ഫ് പ്രോഗ്രാമുമായി ബന്ധപ്പെട്ട് ദുബായിലേയ്ക്ക് പോകാനിരിക്കുകയാണ് ദിലീപ്.
ഛായാഗ്രഹണം മനോജ് പിള്ള, എഡിറ്റിംഗ് ശ്യാം ശശിധരന്‍, സംഗീതം വില്യം ഫ്രാന്‍സിസ്, എക്‌സിക്യൂട്ടീവ് പ്രൊഡ്യൂസര്‍ സുജിത് ജെ നായര്‍, സൗണ്ട് ഡിസൈനര്‍ ഗണേഷ് മാരാര്‍, മിക്സിംഗ് ശ്രീജേഷ് നായര്‍, കലാസംവിധാനം മനു ജഗത്, മേക്കപ്പ് റോഷന്‍, കോസ്റ്റ്യൂം ഡിസൈനര്‍ അരുണ്‍ മനോഹര്‍, സ്റ്റണ്ട് രാജശേഖര്‍, സുപ്രീം സുന്ദര്‍, മാഫിയ ശശി. ഗാനരചന ബിടി അനില്‍ കുമാര്‍, പ്രോജക്ട് ഡിസൈനര്‍ സജിത് കൃഷ്ണ,
പ്രൊഡക്ഷന്‍ കണ്‍ട്രോളര്‍ മോഹന്‍ ‘അമൃത’, പ്രോജക്ട് ഹെഡ് സുമിത്ത് ബി പി,
ചീഫ് അസോസിയേറ്റ് ഡയറക്ടര്‍ മനേഷ് ബാലകൃഷ്ണന്‍, കളറിസ്റ്റ് ലിജു പ്രഭാകര്‍,
വിഎഫ്എക്സ് എഗ്ഗ് വൈറ്റ്, സ്റ്റില്‍സ് ശാലു പേയാട്, ഡിസൈന്‍ അഡ്സോഫ് ആഡ്സ്,
വിതരണം ഡ്രീം ബിഗ് ഫിലിംസ്, പിആര്‍ഒ എഎസ് ദിനേശ്, മഞ്ജു ഗോപിനാഥ്.
Recent Comments