ഭീമന്‍ രഘു ആദ്യമായി സംവിധാനം ചെയ്യുന്ന ചിത്രമാണ് ‘ചാണ’. ചിത്രത്തിലൂടെ പിന്നണി ഗാനരംഗത്തേക്കും ചുവടുവെയ്ക്കുകയാണ് അദ്ദേഹം. ഏറെ ഹൃദയഹാരിയായ ഒരു തമിഴ് ഗാനമാണ് രഘു ഇതില്‍ ആലപിച്ചിരിക്കുന്നത്. ഒട്ടേറെ വൈകാരിക മുഹൂര്‍ത്തങ്ങള്‍ പങ്കുവെയ്ക്കുന്ന ഒരു ഗാനം കൂടിയാണിത്.
ഉപജീവനത്തിനായി തെങ്കാശിയില്‍ നിന്ന് തന്റെ തൊഴില്‍ ഉപകരണമായ ചാണയുമായി കേരളത്തിലേക്ക് വരുന്ന ഒരു തമിഴ് യുവാവിന്റെ ജീവിതത്തിലുണ്ടാകുന്ന ആകസ്മിക സംഭവങ്ങളാണ് ചാണയുടെ ഇതിവൃത്തം. രണ്ട് തമിഴ് ഗാനങ്ങളാണ് ചിത്രത്തിലുള്ളത്. ഭീമന്‍ രഘുവിനോടൊപ്പം പുതുമുഖം മീനാക്ഷി ചന്ദ്രനാണ് ചിത്രത്തിലെ നായിക. രാമന്‍ വിശ്വനാഥ്, രഘുചന്ദ്രന്‍, സമ്മോഹ്, സൂരജ് സുഗതന്‍, കൃഷ്ണന്‍കുട്ടി നായര്‍, സനോജ് കണ്ണൂര്‍, വിഷ്ണു(ഭീമന്‍ പടക്കക്കട), മുരളീധരന്‍ നായര്‍, വിഷ്ണു, മണികണ്ഠന്‍, അജിത്ത്, മീനാക്ഷി ആദിത്യ, സൗമ്യ, സിനി സാനു തുടങ്ങിയ നാടകരംഗത്തെ പ്രശസ്തരും പുതുമുഖങ്ങളായ ശ്രീറാം, അലൈന എന്നീ ബാലതാരങ്ങളും ചിത്രത്തില്‍ അഭിനയിക്കുന്നു.
കെ. സ്റ്റുഡിയോസ് അവതരിപ്പിക്കുന്ന ‘ചാണ’യുടെ നിര്‍മ്മാണവും വിതരണവും നടത്തുന്നത് സ്വീറ്റി പ്രൊഡക്ഷന്‍സാണ്. കെ ശശീന്ദ്രനാണ് നിര്‍മ്മാതാവ്. പിആര്‍ഒ പിആര്‍ സുമേരന്‍.
Recent Comments