ഉപേന്ദ്രയെയും സുദീപിനെയും കേന്ദ്രകഥാപാത്രങ്ങളാക്കി ആര്‍. ചന്ദ്രു തിരക്കഥയെഴുതി സംവിധാനം ചെയ്യുന്ന ചിത്രമാണ് കബ്‌സ. ചിത്രം മാര്‍ച്ച് 17 ന് ലോകമൊട്ടുക്കുമുള്ള തീയേറ്ററുകളില്‍ പ്രദര്‍ശനത്തിനെത്തും. മലയാളത്തിലേയ്ക്കും ചിത്രം മൊഴിമാറ്റം ചെയ്യുന്നുണ്ട്. E4 എന്റര്‍ടെയിന്‍മെന്റ്‌സാണ് കേരളത്തിലെ വിതരണാവകാശം സ്വന്തമാക്കിയിരിക്കുന്നത്.
ഒരു പീരിഡ് ആക്ഷന്‍ ഡ്രാമയാണ് കബ്‌സ. ഇന്ത്യയിലെ ബ്രിട്ടീഷ് അധിനിവേശ കാലഘട്ടത്തില്‍ നടക്കുന്ന കഥയാണിത്. അര്‍ക്കേശ്വര എന്ന അണ്ടര്‍വേള്‍ഡ് ഡോണിന്റെ വേഷത്തില്‍ ഉപേന്ദ്രയും ഭാര്‍ഗ്ഗവ ബക്ഷി എന്ന പോലീസ് ഓഫീസറുടെ വേഷത്തില്‍ സുദീപും എത്തുന്നു. ഇവര്‍ തമ്മിലുള്ള സംഘട്ടനങ്ങളുടെ കഥയാണ് ചിത്രം പറയുന്നത്. ശ്രീയാ ശരണ്‍, കബീര്‍ ദുഹന്‍ സിംഗ്, കോട്ട ശ്രീനിവാസറാവു, മനോജ് ബാജ്‌പേയി, മുരളി ശര്‍മ്മ, സമുദ്രക്കനി, അവിനാശ്, ദേവ് ഗില്‍, പ്രമോദ് ഷെട്ടി തുടങ്ങിയ പ്രമുഖരും ചിത്രത്തില്‍ അഭിനയിക്കുന്നു.
Recent Comments