രതീഷ് രവിയുടെ തിരക്കഥയില്‍ ജി. മാര്‍ത്താണ്ഡന്‍ സംവിധാനം ചെയ്യുന്ന ചിത്രമാണ് മഹാറാണി. റോഷന്‍ മാത്യു, ഷൈന്‍ ടോം ചാക്കോ, ബാലു വര്‍ഗ്ഗീസ്, ജോണി ആന്റണി, ഹരിശ്രീ അശോകന്‍, ജാഫര്‍ ഇടുക്കി, കൈലാഷ്, അശ്വിന്ത് ലാല്‍, ഗോകുലന്‍, ശ്രീരാജ് എന്നിവരാണ് ചിത്രത്തിലെ പ്രധാന താരനിരക്കാര്‍. ഇവരെയെല്ലാം ഉള്‍ക്കൊള്ളുതാണ് മഹാറാണി ടീം പ്രണയദിനത്തില്‍ പുറത്തു വിട്ടിരിക്കുന്ന സെക്കന്റ് ലുക്ക് പോസ്റ്ററും. പക്ഷേ നായികമാത്രം പുറംതിരിഞ്ഞ് നില്‍ക്കുന്നു. ചിത്രത്തിലെ മഹാറാണി യഥാര്‍ത്ഥത്തില്‍ ഇവരാണ്. അതാരാണെന്ന് തല്‍ക്കാലം സസ്‌പെന്‍സില്‍ നിര്‍ത്തുകയാണ് സംവിധായകന്‍.
‘ഈ പ്രണയദിനത്തില്‍ തന്നെ പോസ്റ്റര്‍ പുറത്തിറക്കാന്‍ മറ്റൊരു കാരണം കൂടിയുണ്ട്. ഇതൊരു മനോഹരമായ പ്രണയചിത്രമാണ്. ഇവരെല്ലാം ചേര്‍ന്ന് നിങ്ങളെ പൊട്ടിച്ചിരിപ്പിക്കുമെന്ന് ഉറപ്പുണ്ട്.’ സംവിധായകന്‍ മാര്‍ത്താണ്ഡന്‍ പറഞ്ഞു.
‘ചിത്രത്തിന്റെ ഡബ്ബിംഗ് പൂര്‍ത്തിയായി. റീ റെക്കോര്‍ഡിംഗ് നടന്നുവരികയാണ്. ഏപ്രില്‍മാസം, റംസാന്‍ കഴിഞ്ഞ് ചിത്രം തീയേറ്ററുകളില്‍ പ്രദര്‍ശനത്തിനെത്തും.’ മാര്‍ത്താണ്ഡന്‍ കൂട്ടിച്ചേര്‍ത്തു.
എസ്.ബി. ഫിലിംസിന്റെ ബാനറില്‍ സുജിത് ബാലനാണ് മഹാറാണി നിര്‍മ്മിക്കുന്നത്. എന്‍.എം. ബാദുഷ കോ പ്രൊഡ്യൂസറും സില്‍ക്കി സുജിത് എക്‌സിക്യൂട്ടീവ് പ്രൊഡ്യൂസറുമാണ്. ലോകനാഥന്റെ ഛായാഗ്രഹണം നിര്‍വ്വഹിക്കുന്ന ചിത്രത്തിന്റെ എഡിറ്റര്‍ നൗഫല്‍ അബ്ദുള്ളയാണ്.
Recent Comments