ഇന്ത്യയിലെ ഏറ്റവും ജനപ്രിയ ഗാനങ്ങളിലൊന്നായ മെയിന്‍ ഖിലാഡി തു അനാരിക്ക് ചുവടുകള്‍ വെച്ച് രാംചരണും പ്രശസ്ത കൊറിയോഗ്രാഫര്‍ ഗണേഷ് ആചാര്യയും. തന്റെ പുതിയ സിനിമയുടെ ഷൂട്ടിംഗ് ലൊക്കേഷനില്‍ വച്ചാണ് രാംചരണ്‍ ഈ വീഡിയോ സോഷ്യല്‍പേജില്‍ പങ്കുവെച്ചത്. നിമിഷനേരം കൊണ്ട് വീഡിയോ വൈറല്‍ ആവുകയും ചെയ്തു.
1994 ല്‍ പുറത്തിറങ്ങിയ അക്ഷയ് കുമാര്‍ ചിത്രം മെയിന്‍ ഖിലാഡി തു അനാരി എന്ന സിനിമയിലെ ഗാനമാണിത്. മായാഗോവിന്ദിന്റെ വരികള്‍ക്ക് അനുമാലിക്കാണ് ഈണം പകര്‍ന്നത്. അക്ഷയ് കുമാറിന്റെ പ്രദര്‍ശനത്തിനൊരുങ്ങുന്ന സെല്‍ഫി എന്ന ചിത്രത്തില്‍ ഈ പാട്ടിന്റെ ഒറിജിനല്‍ സ്‌കോര്‍ ഉപയോഗിക്കുന്നുണ്ട്. ഇതിന്റെ ഭാഗമായി അക്ഷയ് കുമാര്‍ തന്നെ വിവിധ താരങ്ങള്‍ക്കൊപ്പം ഈ പാട്ടിന് നൃത്തം ചെയ്യുന്ന വീഡിയോ സോഷ്യല്‍ മീഡിയയില്‍ വൈറലാണ്. ഇതിന്റെ ഭാഗമായിട്ടാണ് രാംചരണും ഗണേഷ് ആചാര്യയും ഈ പാട്ടിന് ചുവടുവച്ചുകൊണ്ട് വീഡിയോ പോസ്റ്റ് ചെയ്തത്.
‘നന്ദിറാംചരണ്‍ എപ്പോഴത്തെയും പോലെ ഗംഭീരമാക്കി. മാസ്റ്റര്‍ ജി, നിങ്ങളാണ് മെയിന്‍ ഖിലാഡി’ അക്ഷയ് തന്റെ സോഷ്യല്‍ മീഡിയയില്‍ ഇരുവര്‍ക്കും നന്ദി പറഞ്ഞുകൊണ്ട് കുറിച്ചു.
‘@അക്ഷയ്കുമാര്‍ സാറിനും@ഗണേശാചാര്യ മാസ്റ്ററിനും വേണ്ടി മാത്രം! ആസ്വദിച്ചു’ റാം ചരണ്‍ ട്വിറ്ററിലൂടെ മറുപടി നല്‍കി.
Recent Comments