ഈസ്റ്റ് കോസ്റ്റ് വിജയന്‍ സംവിധാനം ചെയ്യുന്ന പുതിയ ചിത്രമാണ് കള്ളനും ഭഗവതിയും. ചിത്രത്തിന്റെ ഫസ്റ്റ് ലുക്ക് പോസ്റ്റര്‍ നടന്‍ ഉണ്ണി മുകുന്ദന്‍ തന്റെ ഫെയ്‌സ് ബുക്ക് പേജിലൂടെ പുറത്തുവിട്ടു. ചിത്രത്തിലെ കേന്ദ്രകഥാപാത്രങ്ങളെ അവതരിപ്പിക്കുന്ന വിഷ്ണു ഉണ്ണികൃഷ്ണന്‍, അനുശ്രീ, ബംഗാളിനടി മോക്ഷ എന്നിവരുടെ ഫസ്റ്റ് ലുക്കാണ് പോസ്റ്ററില്‍ ഉള്‍ക്കൊളളിച്ചിരിക്കുന്നത്.
കള്ളന്‍ മാത്തപ്പനായി വിഷ്ണു ഉണ്ണിക്കൃഷ്ണനും ഭഗവതിയായി മോക്ഷയും മറ്റൊരു കേന്ദ്രകഥാപാത്രത്തെ അനുശ്രീയുമാണ് അവതരിപ്പിക്കുന്നത്.
സലിം കുമാര്‍, ജോണി ആന്റണി, നോബി, രാജേഷ് മാധവ്, പ്രേംകുമാര്‍, ശ്രീകാന്ത് മുരളി, ജയശങ്കര്‍, ജയന്‍ ചേര്‍ത്തല, ജയപ്രകാശ് കൂളൂര്‍, മാലാ പാര്‍വ്വതി എന്നിവരാണ് മറ്റ് അഭിനേതാക്കള്‍.
ഈസ്റ്റ് കോസ്റ്റ് കമ്മ്യുണിക്കേഷന്റെ ബാനറില്‍ ഈസ്റ്റ് കോസ്റ്റ് വിജയന്‍ തന്നെയാണ് ഈ ചിത്രം നിര്‍മ്മിക്കുന്നത്. രതീഷ് റാമാണ് ഛായാഗ്രാഹകന്‍.
Recent Comments