ഫെബ്രുവരി 24ന് തീയേറ്ററുകളിലെത്തുന്ന ബൂമറാംഗ് സിനിമയിലെ പ്രോപ്പര്‍ട്ടി ‘താരങ്ങളെ’ പരിചയപ്പെടുത്തി അണിയറപ്രവര്‍ത്തകര്‍. മണ്ണാറത്തൊടി എന്ന് പേരിട്ടിരിക്കുന്ന ഫ്‌ളാറ്റും അവിടുത്തെ യഷ്ചിങ്കോവയെന്ന ബൊമ്മയെയും ഇടപ്പള്ളി അല്‍പ്പാച്ചിനോയെന്ന ഘടികാരത്തിനെയും പ്രഖ്യാപിച്ചുള്ള പോസ്റ്ററുകളാണ് ശ്രദ്ധേയമായത്.
ഷൈന്‍ ടോം ചാക്കോ, ബൈജു സന്തോഷ്, സംയുക്ത മേനോന്‍, ചെമ്പന്‍ വിനോദ്, ഡെയിന്‍ ഡേവിസ് എന്നിവര്‍ പ്രധാന കഥാപാത്രങ്ങളാകുന്ന ‘ബൂമറാംഗ്’ മനു സുധാകരനാണ് സംവിധാനം ചെയ്തിരിക്കുന്നത്. ഗുഡ് കമ്പനി അവതരിപ്പിക്കുന്ന ചിത്രം ഈസി ഫ്‌ളൈ പ്രൊഡക്ഷന്‍സിന്റെ ബാനറില്‍ അജി മേടയില്‍, തൗഫീഖ് ആര്‍ എന്നിവര്‍ ചേര്‍ന്നാണ് നിര്‍മ്മിക്കുന്നത്.
ചിത്രത്തിന്റെ തിരക്കഥ, സംഭാഷണം രചിച്ചിരിക്കുന്നത് കൃഷ്ണദാസ് പങ്കിയാണ്. വിഷ്ണു നാരായണന്‍ നമ്പൂതിരിയാണ് ചിത്രത്തിന്റെ ഛായാഗ്രഹണം. അഖില്‍ എ ആറാണ് എഡിറ്റിംഗ് നിര്‍വ്വഹിച്ചത്. അജിത് പെരുമ്പാവൂരിന്റെ വരികള്‍ക്ക് സുബീര്‍ അലി ഖാനാണ് സംഗീതമൊരുക്കിയിരിക്കുന്നത്.
Recent Comments