സുധീര്‍ കരമനയെ കേന്ദ്രകഥാപാത്രമാക്കി സന്തോഷ് കല്ലാറ്റ് തിരക്കഥയെഴുതി ആദ്യമായി സംവിധാനം ചെയ്യുന്ന ചിത്രമാണ് പുലിയാട്ടം. 2018 ല്‍ പുറത്തിറങ്ങിയ പാപ്പാസ് എന്ന ചിത്രത്തിന്റെ തിരക്കഥ നിര്‍വ്വഹിച്ചതും സന്തോഷാണ്. സെവന്‍ മാസ്റ്റര്‍
പ്രൊഡക്ഷന്‍സിന്റെ ബാനറില്‍ സാജു അബ്ദുല്‍ഖാദറാണ് ചിത്രം നിര്‍മ്മിച്ചിരിക്കുന്നത്.
പുലി ജോസ് എന്ന അപരനാമത്തില്‍ അറിയപ്പെടുന്ന ജോസ് തൃശൂരിലെ ഒരു വലിയ പുലി കളിക്കാരന്‍ ആയിരുന്നു. ജീവിതത്തില്‍ സംഭവിച്ച ദുരന്തം അയാളെ മദ്യപാനിയാക്കി മാറ്റിയപ്പോള്‍ പുലിക്കളി അയാള്‍ പാടെ ഉപേക്ഷിക്കുന്നു. ജോസിന്റെ പുലിക്കളിയുടെ ആരാധകനായ മനോഹരന്‍ വര്‍ഷങ്ങള്‍ക്ക് ശേഷം ഗള്‍ഫില്‍ നിന്നും നാട്ടിലേക്ക് തിരിച്ചു വരുമ്പോള്‍, ജോസിന്റെ പുലിക്കളി വീണ്ടും കളിക്കുവാന്‍ ആവശ്യപ്പെടുന്നു. ഭാര്യ മേരിയുടെ എതിര്‍പ്പിനെ മറികടന്നുകൊണ്ട് വീണ്ടും പുലിവേഷം കെട്ടുവാന്‍ ജോസ് തീരുമാനിക്കുന്നു. തുടര്‍ന്ന് ജോസിന്റെയും മനോഹരന്റെയും ജീവിതത്തില്‍ സംഭവിക്കുന്ന വൈകാരിക മുഹൂര്‍ത്തങ്ങള്‍ അനാവരണം ചെയ്യുന്ന ചിത്രമാണ് പുലിയാട്ടം. ചിത്രം മാര്‍ച്ച് 10 ന് തീയേറ്ററുകളില്‍ പ്രദര്‍ശനത്തിനെത്തും.
സുധീര്‍ കരമനയെ കൂടാതെ മീരാ നായര്‍, മിഥുന്‍ എം ദാസ്, സുമാദേവി, ദീപു നാവായിക്കുളം, ശിവ, ജയരാജ് മിത്ര, ബിഞ്ചു ജേക്കബ്, വിക്ടര്‍ ലൂയി മേരി, ചന്ദ്രന്‍ പട്ടാമ്പി, ജഗത് ജിത്ത്, സെല്‍വരാജ്, ആല്‍വിന്‍, മാസ്റ്റര്‍ ഫഹദ് റഷീദ് എന്നിവരും ചിത്രത്തിലെ മറ്റു കഥാപാത്രങ്ങളെ അവതരിപ്പിക്കുന്നു.
റഷീദ് അഹമ്മദാണ് ഛായാഗ്രാഹകന്‍. ആനന്ദ് മേനോന്‍, ബിജു എം, രാജേഷ് മാരത്ത് എന്നിവരാണ് എക്‌സിക്യൂട്ടീവ് പ്രൊഡ്യൂസേഴ്‌സ്.
ന്യൂയോര്‍ക്ക് മൂവി അവാര്‍ഡ്‌സ്, ഉക്രൈനിയന്‍ ഡ്രീം ഫെസ്റ്റിവല്‍, അനട്ടോളിയന്‍ ഫിലിം അവാര്‍ഡ്‌സ്, ഫോക്‌സ് ഇന്റര്‍നാഷണല്‍ ഫിലിം ഫെസ്റ്റിവല്‍, നെപ്പോളിയന്‍ ഓണ്‍ ക്യാമ്പ്‌സ് എല്‍സിസ് ഇന്‍ പാരീസ്, 10 -ാം നോയിഡ ഇന്റര്‍നാഷണല്‍ ഫിലിം ഫെസ്റ്റിവല്‍ തുടങ്ങി നിരവധി അന്താരാഷ്ട്ര ഫിലിം ഫെസ്റ്റിവലുകളില്‍ പുലിയാട്ടത്തിന് ബഹുമതികള്‍ ലഭിച്ചിട്ടുണ്ട്.
എഡിറ്റിംഗ് സച്ചിന്‍ സത്യ, മ്യൂസിക്ക് & ബിജിഎം വിനീഷ് മണി, പ്രൊഡക്ഷന്‍ കണ്‍ട്രോളര്‍ മുജീബ് ഒറ്റപ്പാലം, സൗണ്ട് ഡിസൈനര്‍ ഗണേഷ് മാരാര്‍, ഗാന രചയിതാവ് റഫീഖ് അഹമ്മദ്, ആലാപനം മഞ്ജരി, ചീഫ് അസോസിയേറ്റ് ഡയറക്ടര്‍ രവി വാസുദേവ്. അസോസിയേറ്റ് ഡയറക്ടര്‍ ഷെറീന സാജു, കലാസംവിധാനം വിഷ്ണു നെല്ലായ മേക്കപ്പ് മണി മരത്താക്കര, കോസ്റ്റുംസ് സുകേഷ് താനൂര്‍. സ്റ്റില്‍സ് പവിന്‍ തൃപ്രയാര്‍, ഡി ഐ ലീല മീഡിയ. വി എഫ് എക്‌സ് & ടൈറ്റില്‍ വാസുദേവന്‍ കൊരട്ടിക്കര, ഡിസൈന്‍സ് സവിഷ് ആളൂര്‍. പിആര്‍ഒ എം കെ ഷെജിന്‍.
Recent Comments