ബോളിവുഡ് താരം ജാന്‍വി കപൂര്‍ ‘എന്‍ടിആര്‍ 30’ എന്ന ചിത്രത്തിലൂടെ തെലുങ്കില്‍ അരങ്ങേറ്റം കുറിക്കാനൊരുങ്ങുന്നു. ജനതാ ഗാരേജിന് ശേഷം എന്‍ടിആര്‍ നെ കേന്ദ്രകഥാപാത്രമാക്കി കൊരട്ടാല ശിവ സംവിധാനം ചെയ്യുന്ന ചിത്രമാണ് എന്‍.ടി.ആര്‍ 30. ഈ മാസം അവസാനത്തോടെ ഔദ്യോഗികമായി ചിത്രം ലോഞ്ച് ചെയ്യും. നിലവില്‍ അതിന്റെ പ്രീ പ്രൊഡക്ഷന്‍ വര്‍ക്കുകള്‍ പുരോഗമിക്കുകയാണ്.
ചിത്രത്തിലെ നായിക ജാന്‍വി കപൂറാണെന്ന് അണിയറപ്രവര്‍ത്തകര്‍ അറിയിച്ചു. കൊടുങ്കാറ്റില്‍ ശാന്തമായവള്‍ എന്നായിരുന്നു നിര്‍മ്മാതാക്കളുടെ ഔദ്യോഗിക പ്രഖ്യാപനം. ജാന്‍വിക്ക് ജന്മദിനാശംസകളും നേര്‍ന്നുകൊണ്ടാണ് നിര്‍മ്മാതാക്കള്‍ അവരെ സ്വാഗതം ചെയ്തിരിക്കുന്നത്.ആര്‍ആര്‍ആറിലെ എന്‍ടിആറിനെ ഒരു ഇതിഹാസമെന്ന് ജാന്‍വി മുന്‍പ് വിശേഷിപ്പിച്ചിരുന്നു. കൂടാതെ എന്‍ടിആറിനൊപ്പം അഭിനയിക്കാനും ആഗ്രഹം പ്രകടിപ്പിച്ചിരുന്നു.
യുവസുധ ആര്‍ട്‌സ്, എന്‍ടിആര്‍ ആര്‍ട്‌സ് എന്നിവയുടെ ബാനറില്‍ മിക്കിലിനേനി സുധാകറും ഹരികൃഷ്ണയും ചേര്‍ന്നാണ് ചിത്രം നിര്‍മ്മിക്കുന്നത്. ശ്രീകര്‍ പ്രസാദാണ് എഡിറ്റര്‍. രത്നവേലു ഛായാഗ്രഹണവും സാബു സിറിലുമാണ് പ്രൊഡക്ഷന്‍ ഡിസൈനും നിര്‍വഹിക്കുന്നു. ആക്ഷന്‍ എന്റര്‍ടെയ്‌നറായ ചിത്രം അവതരിപ്പിക്കുന്നത് നന്ദമുരി കല്യാണ്‍ റാം ആണ്. റോക്ക്സ്റ്റാര്‍ അനിരുദ്ധാണ് സംഗീതം. പിആര്‍ഒ ആതിര ദില്‍ജിത്ത്.
2024 ഏപ്രില്‍ 5 ന് ചിത്രം ലോകമെമ്പാടും റിലീസ് ചെയ്യും.
Recent Comments