അതിജീവിതകള്‍ ഇനി ഉണ്ടാകാതിരിക്കട്ടെ എന്ന ശീര്‍ഷകവുമായി അരിവാള്‍ എന്ന ചിത്രത്തിന്റെ ഫസ്റ്റ് ലുക്ക് പോസ്റ്റര്‍ വനിതാ ദിനത്തില്‍ റിലീസ് ചെയ്തു. നടി ഹണി റോസിന്റെയും നടന്‍ കൈലാഷിന്റെയും ഫെയ്‌സ്ബുക്ക്, ഇന്‍സ്റ്റാ പേജ് മുഖേനയാണ് പോസ്റ്റര്‍ റിലീസ് ചെയ്തത്.
അനീഷ് പോളാണ് ചിത്രം സംവിധാനം ചെയ്തിരിക്കുന്നത്. ഷൈജു ടി ഹംസ നായകകഥാപാത്രത്തെ അവതരിപ്പിക്കുന്നു. ജാനകി സുധീറാണ് നായിക. ശ്രീജ സംഘകേളി, പ്രദീപ് ശ്രീനിവാസന്‍, യൂനസ്, നവനീത്, അനീഷ് പോള്‍, അനിത തങ്കച്ചന്‍, ജോവിത ജൂലിയറ്റ്, സുമിത കാര്‍ത്തിക, ശ്രുതി, ജിത മത്തായി തുടങ്ങിയവര്‍ മറ്റു കഥാപാത്രങ്ങളെ അവതരിപ്പിക്കുന്നു.
വയനാടിന്റെ പശ്ചാത്തലത്തില്‍ ചിത്രീകരണം പൂര്‍ത്തിയായ ചിത്രം ഉടന്‍ റിലീസിന് തയ്യാറെടുക്കുന്നു. സമൂഹത്തില്‍ അടിച്ചമര്‍ത്തപ്പെട്ട ആദിവാസി സമൂഹം നേരിടേണ്ടിവരുന്ന യാതനകളും അവരുടെ ചെറുത്തുനില്‍പ്പിന്റെ കഥയാണ് അരിവാള്‍ എന്ന ചിത്രം. ഹരിപ്പാട് ഹരിലാലാണ് ചിത്രത്തിന്റെ രചന കൈകാര്യം ചെയ്തിരിക്കുന്നത്.
എപിസി പ്രൊഡക്ഷന്‍സാണ് ചിത്രം നിര്‍മ്മിച്ചിരിക്കുന്നത്. സംഗീതം അജിത് സുകുമാരന്‍, ഗാനരചന ജയമോഹന്‍ കൊടുങ്ങല്ലൂര്‍, ആലാപനം രേണുക വയനാട്. ആദിവാസി ഗോത്രത്തില്‍ ജനിച്ചു വളര്‍ന്ന രേണുക പാടുന്ന ആദ്യ മലയാള സിനിമയാണിത്.
ഛായാഗ്രാഹകന്‍ ഫൈസല്‍ റമീസ്. എഡിറ്റിംഗ് ടിനുതോമസ്. വസ്ത്രാലങ്കാരം പളനി. കലാസംവിധാനം പ്രഭ മണ്ണാര്‍ക്കാട്. മേക്കപ്പ് ആര്യനാട് മനു, ഷൈനി അശോക്. അസോസിയേറ്റ്‌സ് സന്തോഷ്, മഹേഷ് കാരത്തൂര്‍. പ്രൊഡക്ഷന്‍ കണ്‍ട്രോളര്‍ ജോയി മേലൂര്‍. പിആര്‍ഒ എംകെ ഷെജിന്‍.
Recent Comments