കമല്‍ഹാസന്‍ തകര്‍ത്തഭിനയിച്ച വിക്രമില്‍ അതിഥിതാരമായി എത്തിയ സൂര്യ അവതരിപ്പിച്ച റോളെക്‌സ് പ്രേക്ഷകരെ ഞെട്ടിത്തരിപ്പിച്ച കഥാപാത്രമാണ്. കേവലം 10 മിനിറ്റ് മാത്രം വന്നുപോകുന്ന കഥാപാത്രം. എന്നാല്‍ ചിത്രത്തിലുടനീളം റോളെക്‌സിന്റെ സാന്നിദ്ധ്യം ഉള്ളതുപോലെ പ്രേക്ഷകന് അനുഭവപ്പെടുകയും ചെയ്യും. അതുതന്നെയാണ് ആ കഥാപാത്രത്തിന്റെ മാസ്മരിക ശക്തി.
കമല്‍ നിര്‍മ്മിക്കുന്ന പുതിയ ചിത്രത്തില്‍ നായകനായി അഭിനയിക്കുന്നത് ശിലമ്പരശന്‍ എന്ന ചിമ്പുവാണ്. ഈ ചിത്രം സംവിധാനം ചെയ്യുന്നതാകട്ടെ ദേസിംഗ് പെരിയസാമി. ദേസിംഗ് പെരിയസാമിയുടെ രാണ്ടാമത്തെ ചിത്രമാണ്. ആദ്യചിത്രം ദുല്‍ഖല്‍ സല്‍മാന്‍ നായകകഥാപാത്രത്തെ അവതരിപ്പിച്ച കണ്ണും കണ്ണും കൊള്ളയടിത്താല്‍ എന്ന ചിത്രമായിരുന്നു. STR 48 എന്ന് താല്‍ക്കാലിക പേരിട്ടിരിക്കുന്ന ചിത്രത്തിന്റെ ഔദ്യോഗിക പ്രഖ്യാപനം കഴിഞ്ഞ ദിവസങ്ങളില്‍ പുറത്തു വന്നിരുന്നു.
‘காட்டுப்பசிக்கு’ விருந்து! #STR48 #Ulaganayagan #KamalHaasan #Atman #SilambarasanTR #BLOODandBATTLE #RKFI56_STR48@ikamalhaasan @SilambarasanTR_ @desingh_dp #Mahendran @RKFI @turmericmediaTM @magizhmandram pic.twitter.com/DbRraevnkZ
— Desingh Periyasamy (@desingh_dp) March 9, 2023
ഈ ചിത്രത്തില്‍ കമലും അഭിനയിക്കുന്നു എന്ന വാര്‍ത്തയാണ് കമലിന്റെ പ്രേക്ഷകരെ ഏറെ ആവേശത്തിലാഴ്ത്തിയിരിക്കുന്നത്. വിക്രം സിനിമയില്‍ സൂര്യ അവതരിപ്പിച്ച റോളക്‌സിനെ വെല്ലുന്ന ഒരു കഥാപാത്രമായിട്ടായിരിക്കും ഉലകനായകന്‍ ഈ ചിത്രത്തില്‍ അതിഥിതാരമായി എത്തുന്നുവെന്നാണ് ഏറ്റവും പുതിയ വാര്‍ത്ത.
Recent Comments