ബിബിന്‍ ജോര്‍ജിനെയും ബാബുരാജിനെയും കേന്ദ്രകഥാപാത്രങ്ങളാക്കി ജോര്‍ജ് വര്‍ഗീസ് സംവിധാനം ചെയ്യുന്ന ചിത്രമാണ് ഐസിയു. ചിത്രത്തിന്റെ ഫസ്റ്റ് ലുക്ക് പോസ്റ്റര്‍ നടന്‍ പൃഥ്വിരാജ് റിലീസ് ചെയ്തു. ഒരു കുടുംബ പ്രണയ പ്രതികാര കഥയാണ് ചിത്രം പറയുന്നത്.
പൃഥ്വിരാജിനെ നായകനായ താന്തോന്നിക്ക് ശേഷം ജോര്‍ജ് വര്‍ഗീസ് സംവിധാനം ചെയ്യുന്ന ചിത്രം കൂടിയാണ് ഐ.സി.യു.
വിസ്മയ ആണ് നായിക. സൂര്യ തമിഴില്‍ നിര്‍മിച്ച ഉറിയടി എന്ന സിനിമയില്‍ കേന്ദ്രകഥാപാത്രത്തെ അവതരിപ്പിച്ചതും വിസ്മയയായിരുന്നു. മുരളി ഗോപി, ശ്രീകാന്ത് മുരളി, മീര വാസുദേവ് എന്നിവര്‍ മറ്റു പ്രധാന കഥാപാത്രങ്ങളെ അവതരിപ്പിക്കുന്നു
ചിത്രീകരണം പൂര്‍ത്തിയായ ഐ.സി.യു പ്രദര്‍ശനത്തിനൊരുങ്ങുകയാണ്. മിനി സ്റ്റുഡിയോയാണ് ചിത്രം നിര്‍മ്മിക്കുന്നത്.
കഥ, തിരക്കഥ, സംഭാഷണം സന്തോഷ് കുമാര്‍. ലോകനാഥന്‍ ഛായാഗ്രാഹണം നിര്‍വഹിക്കുന്ന ചിത്രത്തിന്റെ എഡിറ്റര്‍ ലിജോ പോള്‍ ആണ്. ഷിബു സുശീലനാണ് പ്രൊഡക്ഷന്‍ കണ്‍ട്രോളര്‍. സംഗീതം ജോസ് ഫ്രാങ്ക്ളിന്‍, കലാസംവിധാനം ബാവ, കോസ്റ്റ്യൂം ഡിസൈനര്‍ സ്റ്റെഫി സേവ്യര്‍, മേക്കപ്പ് റോണക്‌സ്, ആക്ഷന്‍ മാഫിയ ശശി, സൗണ്ട് ഡിസൈന്‍ വിക്കി, കിഷന്‍, ശബ്ദ മിശ്രണം എം.ആര് രാജാകൃഷ്ണന്‍, പി.ആര്.ഒ എ.എസ് ദിനേശ്, ആതിര ദില്‍ജിത്ത്.
Recent Comments