‘അസുരന്’ ശേഷം വെട്രിമാരന്‍ സംവിധാനം ചെയ്യുന്ന ചിത്രമാണ് വിടുതലൈ. അതിന്റെ ആദ്യ ഭാഗം മാര്‍ച്ച് 31 ന് ലോകമെമ്പാടുമുള്ള തീയേറ്ററുകളിലെത്തും. വെട്രിമാരന്റെ കരിയറിലെ മെഗാ ബഡ്ജറ്റഡ് ചിത്രം കൂടിയാണിത്. വിജയ് സേതുപതിയും സൂരിയുമാണ് ചിത്രത്തിലെ കേന്ദ്രകഥാപാത്രങ്ങളെ അവതരിപ്പിക്കുന്നത്. വിജയ് സേതുപതി അധ്യാപകനായും സൂരി പൊലീസ് ഉദ്യോഗസ്ഥനായും എത്തുന്നു.
ജയമോഹന്‍ രചിച്ച ‘തുണൈവന്‍’ എന്ന നോവലിനെ ആസ്പദമാക്കിയാണ് വെട്രിമാരന്‍ ഈ ചിത്രം ഒരുക്കുന്നത്. തമിഴ്, മലയാളം, കന്നഡ, തെലുങ്ക് എന്നീ ഭാഷകളിലായി ചിത്രം റിലീസ് ചെയ്യും. ബ്ലോക്ക് ബസ്റ്റര്‍ ചിത്രങ്ങളായ ആര്‍.ആര്‍.ആര്‍, വിക്രം എന്നിവ കേരളത്തില്‍ റിലീസ് ചെയ്ത എച്ച്.ആര്‍. പിക്‌ചേഴ്‌സാണ് വിതരണം ചെയ്യുന്നത്. കേരളത്തില്‍ ഇരുന്നൂറോളം തിയേറ്ററുകളിലാണ് വിടുതലൈ പാര്‍ട്ട് 1 റിലീസ് ചെയ്യുന്നത്.
ദക്ഷിണേന്ത്യയിലെ പ്രമുഖ നിര്‍മ്മാതാവ് എല്‍റെഡ് കുമാറിന്റെ പ്രൊഡക്ഷന്‍ കമ്പനിയായ ആര്‍ എസ് ഇന്‍ഫോടെയ്ന്‍മെന്റാണ് ചിത്രം നിര്‍മ്മിക്കുന്നത്. ഇളയരാജയാണ് സംഗീതം നിര്‍വഹിച്ചിരിക്കുന്നത്. വെട്രിമാരന്റെ മുന്‍ സിനിമകള്‍ക്ക് വേണ്ടി ക്യാമറ ചലിപ്പിച്ച വേല്‍രാജാണ് ഛായാഗ്രാഹകന്‍. എഡിറ്റര്‍-ആര്‍ രാമര്‍, ആക്ഷന്‍-പീറ്റര്‍ ഹെയ്ന്‍, കലാസംവിധാനം-ജാക്കി, പിആര്‍ഒ: പ്രതീഷ് ശേഖര്‍.
Recent Comments