മാധവ് സുരേഷിനെ നായകനാക്കി പ്രശസ്ത തമിഴ് സംവിധായകന്‍ ആര്‍.കെ. വിന്‍സെന്റ് സെല്‍വ സംവിധാനം ചെയ്യുന്ന ചിത്രമാണ് കുമ്മാട്ടിക്കളി. ചിത്രത്തിന്റെ പൂജ മാര്‍ച്ച് 27 ന് ആലപ്പുഴ സാന്ത്വനം സ്‌പെഷ്യല്‍ സ്‌കൂളില്‍വച്ച് നടക്കും. അന്നുതന്നെ ഷൂട്ടിംഗും ആരംഭിക്കും.
സൂപ്പര്‍ഗുഡ് ഫിലിംസാണ് ചിത്രം നിര്‍മ്മിക്കുന്നത്. നിര്‍മ്മാതാവ് ആര്‍.ബി. ചൗധരിയും പൂജാചടങ്ങില്‍ പങ്കെടുക്കുന്നുണ്ട്.
ലെന, ദേവിക സതീഷ്, യാമി, അനുപ്രഭ, മൈം ഗോപി, അസീസ് നെടുമങ്ങാട്, ദിനേഷ് ആലപ്പി, സോഹന്‍ലാല്‍, ആല്‍വിന്‍ ആന്റണി ജൂനിയര്‍, സിനോജ് അങ്കമാലി, ധനംജയ് പ്രേംജിത്ത്, മിഥുന്‍ പ്രകാശ്, അനീഷ് ഗോപാല്‍, റാഷിക്ക് അജ്മല്‍ എന്നിവരാണ് ചിത്രത്തിലെ മറ്റ് അഭിനേതാക്കള്‍.
സംവിധായകന്‍ തന്നെയാണ് ചിത്രത്തിനുവേണ്ടി തിരക്കഥ എഴുതിയിരിക്കുന്നത്. വെങ്കിടേഷ് ഛായാഗ്രഹണം ഒരുക്കുന്ന ചിത്രത്തിന്റെ പ്രോജക്ട് ഡിസൈനര്‍ സജിത് കൃഷ്ണയാണ്. സജു എസ് ന്റെ വരികള്‍ക്ക് ജാക്‌സണ്‍ വിജയന്‍ ഈണം പകരുന്നു. എഡിറ്റര്‍ ആന്റണി. സംഘട്ടനം ഫീനിക്‌സ് പ്രഭു, പ്രൊഡക്ഷന്‍ കണ്‍ട്രോളര്‍ അമൃത മോഹന്‍. പി.ആര്‍.ഒ. മഞ്ജു ഗോപിനാഥ്, എ.എസ്. ദിനേശ്.
സൂപ്പര്‍ഗുഡ് ഫിലിംസ് നിര്‍മ്മിക്കുന്ന 98-ാമത്തെ ചിത്രമാണ് കുമ്മാട്ടിക്കളി. നിലവില്‍ ചിത്രീകരണം നടന്നുകൊണ്ടിരിക്കുന്ന ദിലീപ് ചിത്രത്തിന്റെ നിര്‍മ്മാതാവും ആര്‍.ബി. ചൗധരിയാണ്.
Recent Comments