ദിലീപിനെ കേന്ദ്ര കഥാപാത്രമാക്കി വിനീത് കുമാര്‍ സംവിധാനം ചെയ്യുന്ന പുതിയ ചിത്രത്തിന്റെ പൂജ ഇടപ്പള്ളി ശ്രീ അഞ്ചുമന ദേവീ ക്ഷേത്രത്തില്‍ വെച്ച് നടന്നു. ദിലീപിന്റെ 149-ാമത്തെ ചിത്രമാണ്. ചലച്ചിത്രരംഗത്തെ പ്രമുഖര്‍ ചടങ്ങില്‍ സന്നിഹിതരായിരുന്നു.
ഗ്രാന്‍ഡ് പ്രൊഡക്ഷന്‍സിന്റെ ബാനറില്‍ നടന്‍ ദിലീപാണ് ചിത്രം നിര്‍മ്മിക്കുന്നത്.
ഛായാഗ്രഹണം സനു താഹിര്‍, രാജേഷ് രാഘവന്‍ കഥ തിരക്കഥ സംഭാഷണമെഴുതുന്നു. ഷിബു ചക്രവര്‍ത്തി, വിനായക് ശശികുമാര്‍ എന്നിവരുടെ വരികള്‍ക്ക് മിഥുന്‍ മുകുന്ദന്‍ സംഗീതം പകരുന്നു. എഡിറ്റര്‍ ദീപു ജോസഫ്, പ്രോജക്ട് ഹെഡ് റോഷന്‍ ചിറ്റൂര്‍
എക്‌സിക്യൂട്ടീവ് പ്രൊഡ്യൂസര്‍ അനൂപ് പത്മനാഭന്‍, കെ പി വ്യാസന്‍. പ്രൊഡക്ഷന്‍ കണ്‍ട്രോളര്‍ രഞ്ജിത്ത് കരുണാകരന്‍, പ്രൊഡക്ഷന്‍ ഡിസൈനര്‍ നിമേഷ് താനൂര്‍, കോസ്റ്റ്യൂംഡിസൈനര്‍ സമീറ സനീഷ്, മേക്കപ്പ് റോണക്‌സ് സേവ്യര്‍, ചീഫ് അസോസിയേറ്റ് ഡയറക്ടര്‍ രാകേഷ് കെ രാജന്‍, സൗണ്ട് ഡിസൈന്‍ ശ്രീജിത്ത് ശ്രീനിവാസന്‍, സ്റ്റില്‍സ് രാംദാസ് മാത്തൂര്‍, ഡിസൈന്‍ യെല്ലോടൂത്ത്. പിആര്‍ഒ എഎസ് ദിനേശ്.
ഏപ്രില്‍ പതിനഞ്ച് മുതല്‍ എറണാകുളത്ത് ചിത്രീകരണം ആരംഭിക്കും.
Recent Comments