അല്ലു അര്‍ജുനെ നായകനാക്കി സുകുമാര്‍ സംവിധാനം ചെയ്ത പുഷ്പയുടെ രണ്ടാം ഭാഗത്തിനായുള്ള കാത്തിരിപ്പിലാണ് ലോകമെമ്പാടുമുള്ള പ്രേക്ഷകര്‍. ‘പുഷ്പ: ദ റൈസ്’ എന്ന ഒന്നാം ഭാഗത്തിന്റെ വന്‍വിജയംതന്നെയാണ് ഇതിനുകാരണം.
പുഷ്പയുടെ രണ്ടാം ഭാഗത്തിന്റെ ചിത്രീകരണം പുരോഗമിക്കുന്നതിനിടെ സുകുമാറും പുഷ്പ 2 ടീമും അല്ലു അര്‍ജുന്റെ പിറന്നാള്‍ ദിനത്തിന് മുന്നോടിയായി ചെറിയൊരു വീഡിയോ ശകലം പുറത്തുവിട്ടിരിക്കുകയാണ്. ‘വെടിയേറ്റ മുറിവുകളോടെ പുഷ്പ തിരുപ്പതി ജയിലില്‍നിന്ന് പുറത്തുചാടി’ എന്ന ന്യൂസ് ഹെഡ് ലൈനോടെയാണ് വീഡിയോ ആരംഭിക്കുന്നത്. തുടര്‍ന്ന് ‘പുഷ്പ എവിടെ?’ എന്നുള്ള ചോദ്യം പ്രേക്ഷകമനസ്സുകളില്‍ കൂടുതല്‍ ആകാംക്ഷ ഉണര്‍ത്തുന്നുണ്ട്.
അല്ലു അര്‍ജുന്റെ പിറന്നാള്‍ ദിനമായ ഏപ്രില്‍ 7ന് പുറത്തിറങ്ങാന്‍ പോകുന്ന പുഷ്പ 2 ന്റെ കണ്‍സപ്റ്റ് ടീസറിന് മുന്നോടിയായിട്ടാണ് ഇപ്പോള്‍ ഈ ചെറിയ വീഡിയോ റിലീസ് ചെയ്തിരിക്കുന്നതും. പുഷ്പയുടെ രണ്ടാംഭാഗവും മാസ്സ് ആണെന്നുള്ള സൂചനയും ഈ വീഡിയോ നല്‍കുന്നു.
#WhereIsPushpa ?
The search ends soon!The HUNT before the RULE 🪓
Reveal on April 7th at 4.05 PM 🔥#PushpaTheRule ❤️🔥Icon Star @alluarjun @iamRashmika #FahadhFaasil @aryasukku @ThisIsDSP @SukumarWritings @PushpaMovie pic.twitter.com/djm4ClLeHg
— Mythri Movie Makers (@MythriOfficial) April 5, 2023
രശ്മിക മന്ദാനയാണ് പുഷ്പ 2വിലെയും നായികാവേഷം അവതരിപ്പിക്കുന്നത്. ഫഹദ് ഫാസില്‍, അനസൂയ, സുനില്‍, തുടങ്ങി മറ്റു നടീനടന്മാരും പ്രധാന വേഷങ്ങളില്‍ എത്തുന്നു. മൈത്രി മൂവി മേക്കേഴ്‌സാണ് ചിത്രം നിര്‍മ്മിച്ചിരിക്കുന്നത്. സംഗീതം ഡി.എസ്.പി, പി.ആര്‍.ഒ ആതിരാ ദില്‍ജിത്ത്.
Recent Comments