പൊറിഞ്ചു മറിയം ജോസ് എന്ന ചലച്ചിത്രത്തിന്റെ സ്വപ്‌നതുല്യമായ വിജയത്തിനുശേഷം അതേ ടീം വീണ്ടും ഒന്നിക്കുന്നു. ജോഷി, ജോജു ജോര്‍ജ്, ചെമ്പന്‍ വിനോദ്, നൈല ഉഷ എന്നിവര്‍ക്കൊപ്പം കല്യാണി പ്രിയദര്‍ശനും ഒപ്പം ചേരുന്നു. ചിത്രത്തിന്റെ ടൈറ്റില്‍ ലോഞ്ച് നാളെ എറണാകുളം ക്രൗണ്‍ പ്ലാസയില്‍ നടക്കും. രാവിലെ 11 മണിക്കാണ് ചടങ്ങുകള്‍. ഷൂട്ടിംഗ് ഏപ്രില്‍ 25 നും ആരംഭിക്കും. താരനിര്‍ണ്ണയം നടന്നുവരികയാണ്.
രാജേഷ് വര്‍മ്മയാണ് ചിത്രത്തിന് കഥയും തിരക്കഥയും സംഭാഷണവും എഴുതുന്നത്. ഐന്‍സ്റ്റീന്‍ സാക് പോള്‍ ആണ് നിര്‍മ്മാതാവ്. ഐന്‍സ്റ്റീന്‍ മീഡിയ എന്നാണ് കമ്പനിയുടെ പേര്. ഈ ബാനറില്‍ നിര്‍മ്മിക്കുന്ന ആദ്യ ചിത്രംകൂടിയാണ്. ചിത്രം വിതരണത്തിന് എത്തിക്കുന്നത് ജോജു ജോര്‍ജിന്റെ ഉടമസ്ഥതയിലുള്ള അപ്പു പാത്തു പപ്പു പ്രൊഡക്ഷന്‍ ഹൗസാണ്.
രണദിവെ ഛായാഗ്രഹണം നിര്‍വ്വഹിക്കുന്ന ചിത്രത്തിന്റെ എഡിറ്റര്‍ ശ്യാം ശശിധരനും സംഗീതസംവിധായകന്‍ ജേക്ക് ബിജോയ്‌സുമാണ്. പ്രൊഡക്ഷന്‍ കണ്‍ട്രോളര്‍ ദീപക് പരമേശ്വരന്‍. കോസ്റ്റിയൂംസ് പ്രവീണ്‍ വര്‍മ്മ, മേക്കപ്പ് റോണക്‌സ് സേവ്യര്‍, സൗണ്ട് ഡിസൈന്‍ വിഷ്ണു, സ്റ്റില്‍സ് അനൂപ് പി. ചാക്കോ, ചീഫ് അസോസിയേറ്റ് ഡയറക്ടര്‍ സിബി ചാലിശ്ശേരി. സംഘട്ടനം രാജശേഖര്‍. എക്‌സിക്യൂട്ടീവ് പ്രൊഡ്യൂസര്‍ വര്‍ഗീസ് ജോര്‍ജ്.
Recent Comments