കാസര്‍ഗോഡ് ഭാഷയില്‍ മറ്റൊരു സിനിമ കൂടി ഒരുങ്ങുന്നു- കുണ്ഡലപുരാണം. ഇന്ദ്രന്‍സാണ് കേന്ദ്ര കഥാപാത്രത്തെ അവതരിപ്പിക്കുന്നത്. സന്തോഷ് പുതുക്കുന്നാണ് സംവിധായകന്‍. സന്തോഷിന്റെ രണ്ടാമത്തെ ചിത്രമാണിത്. സന്തോഷ് കീഴാറ്റൂരിനെ നായകനാക്കി ചെയ്ത മോപ്പാള ആണ് ആദ്യ ചിത്രം. ഈ ചിത്രം ഫോക് ലോര്‍ അവാര്‍ഡ് നേടിയിരുന്നു.
ഏപ്രില്‍ മാസത്തില്‍ വറ്റി വരളുന്ന ഒരു ഗ്രാമത്തിന്റെ പശ്ചാത്തലവും അവിടെ വറ്റാത്ത ഉറവയുള്ള ഒരു കിണറിനെ ആശ്രയിച്ച് ജീവിക്കുന്ന ഒരുപറ്റം കുടുംബങ്ങളുടെയും കഥയാണ് കുണ്ഡലപുരാണം. വിനു കോളിച്ചാലിന്റെ സര്‍ക്കാസ് എന്ന സിനിമയ്ക്ക് ശേഷം സുധീഷ് കുമാര്‍ രചന നിര്‍വ്വഹിക്കുന്ന ചിത്രമാണിത്. ചിത്രത്തിന്റെ ഷൂട്ടിംഗ് നീലേശ്വരം, കാസര്‍ഗോഡ് എന്നീ ഭാഗങ്ങളിലായി പുരോഗമിക്കുന്നു.
ഇന്ദ്രന്‍സിനെ കൂടാതെ രമ്യ സുരേഷ്, ഉണ്ണിരാജ, ബാബു അന്നൂര്‍, തുടങ്ങിയവര്‍ ചിത്രത്തില്‍ അഭിനയിക്കുന്നു. ഛായാഗ്രാഹകന്‍ ശരണ്‍ ശശിധരന്‍. എഡിറ്റര്‍ ശ്യാം അമ്പാടി, സംഗീതം ബ്ലസ്സന്‍ തോമസ്, ഗായകര്‍ അഭയ ഹിരണ്മയി, നജീം അര്‍ഷാദ്, ശരത്. ഗാനരചന വൈശാഖ് സുഗുണന്‍, സന്തോഷ് പുതുകുന്ന്. ചീഫ് അസോസ്സിയേറ്റ് രജില്‍ കെയ്‌സി, വസ്ത്രാലങ്കാരം സുകേഷ് താനൂര്‍, പ്രൊഡക്ഷന്‍ കണ്‍ട്രോളര്‍ അരവിന്ദന്‍ കണ്ണൂര്‍, സൗണ്ട് ഡിസൈന്‍സ് രഞ്ജുരാജ് മാത്യു, കല സീ മോന്‍ വയനാട്, സംഘട്ടനം ബ്രൂസ്ലി രാജേഷ്, ചമയം രജീഷ് പൊതാവൂര്‍, ചീഫ് അസോസ്സിയേറ്റ് ക്യാമറാമാന്‍ സുജില്‍ സായ്, പി.ആര്‍.ഒ മഞ്ജു ഗോപിനാഥ്, ഓണ്‍ലൈന്‍ പാര്‍ട്ണര്‍ സിനിമാപ്രാന്തന്‍, പരസ്യകല കുതിരവട്ടം ഡിസൈന്‍സ്.
മേനോക്കില്‍സ് ഫിലിംസിന്റെ ബാനറില്‍ അനില്‍ ടി.വി.യാണ് കുണ്ഡലപുരാണം നിര്‍മ്മിക്കുന്നത്.
Recent Comments