വിക്രമിനെ നായകനാക്കി പാ രഞ്ജിത്ത് സംവിധാനം ചെയ്യുന്ന ആദ്യ ചിത്രമാണ് താങ്കലാന്‍. ചിത്രീകരണത്തിന് തയ്യാറെടുക്കുന്ന താങ്കലാന്റെ മേക്കിംഗ് വീഡിയോ പുറത്ത് വിട്ടിരിക്കുകയാണ് അണിയറപ്രവര്‍ത്തകര്‍. ഒരു പിരീഡ് ചലച്ചിത്രമെന്ന നിലയില്‍ പാ രഞ്ജിത്തിന്റെ താങ്കലാനെ തുടക്കം മുതല്‍ പ്രതീക്ഷയോടെ കാത്തിരിക്കുകയായിരുന്നു പ്രേക്ഷകരും. അവരുടെ പ്രതീക്ഷകള്‍ക്കും മുകളിലാണ് ചിത്രത്തിന്റെ നിര്‍മ്മിതിയെന്ന് മേക്കിംഗ് വീഡിയോ സൂചിപ്പിക്കുന്നു.
ഇന്ത്യന്‍ സ്വാതന്ത്ര്യത്തിന് മുമ്പ് കോളാര്‍ സ്വര്‍ണ്ണഖനിയില്‍ നടന്ന ചില യഥാര്‍ത്ഥ സംഭവങ്ങളെ ആസ്പദമാക്കിയാണ് ചിത്രം ഒരുക്കിയിരിക്കുന്നത്. അവിടുത്തെ ഗോത്രസമൂഹം താങ്കളുടെ ഭൂമി ബ്രിട്ടീഷ് ആധിപത്യത്തില്‍നിന്ന് രക്ഷപ്പെടുത്താനുള്ള നിരന്തര സംഘട്ടനങ്ങളിലാണ്. ഗോത്രതലവനായിട്ടാണ് വിക്രം വേഷമിടുന്നത്. മേക്കോവര്‍ കൊണ്ട് എന്നും അത്ഭുതങ്ങള്‍ സൃഷ്ടിച്ചിട്ടുള്ള വിക്രമിന്റെ വളരെ വ്യത്യസ്തമാര്‍ന്ന വേഷപ്പകര്‍ച്ചകള്‍ക്ക് താങ്കലാനും സാക്ഷിയാകുന്നു.
പാര്‍വതി തിരുവോത്ത്, മാളവിക മോഹന്‍, പശുപതി, ഹരികൃഷ്ണന്‍ തുടങ്ങി വന്‍ താരനിരതന്നെ ചിത്രത്തിന്റെ ഭാഗമാകുന്നു. സ്റ്റുഡിയോ ഗ്രീനിന്റെയും നീലം പ്രൊഡക്ഷന്‍സിന്റെയും ബാനറില്‍ കെ ഇ ജ്ഞാനവേല്‍രാജയാണ് ചിത്രം നിര്‍മ്മിക്കുന്നത്.
Recent Comments