കവിയും ഗാനരചയിതാവുമായ പി.കെ. ഗോപിയുടെ വരികള്‍ക്ക് അര്‍ജ്ജുനന്‍ മാഷ് ആവസാനമായി ഈണം നല്കിയ ‘ബൈനറി’യിലെ ഗാനം റിലീസായി.
‘അലപോലെ… അഴകോടെ.. കുളിര്‍ കോരി നിറവാനം… പ്രണയാര്‍ദ്രമലിയുന്ന സുഖമോടെ…
എന്ന് തുടങ്ങുന്ന ഗാനമാണ് അണിയറ പ്രവര്‍ത്തകര്‍ പുറത്ത് വിട്ടത്. പി.കെ. സുനില്‍കുമാറാണ് ഗാനം ആലപിച്ചിരിക്കുന്നത്.
രാജ്യസുരക്ഷയും വ്യക്തികളുടെ സ്വകാര്യ ജീവിതവും പലപ്പോഴും സൈബര്‍ കുറ്റവാളികളുടെ വലയില്‍ കുരുങ്ങിപ്പോകുകയാണ്. ഇത്തരം കുറ്റവാളികളെ കണ്ടെത്തുക പോലും ഏറെ പ്രയാസകരമാണ്. അങ്ങനെ പുതിയ കാലത്തെ ജീവിതപരിസരങ്ങളിലൂടെ സൈബര്‍ലോകത്തിന്റെ കഥ പറയുന്ന ചിത്രമാണ് ബൈനറി.
വോക്ക് മീഡിയയുടെ ബാനറില്‍ രാജേഷ് ബാബു കെ, ശൂരനാട് മിറാജ് മുഹമ്മദ് എന്നിവര്‍ നിര്‍മ്മിച്ച് ഡോ. ജാസിക്ക് അലി സംവിധാനം ചെയ്യുന്ന ചിത്രമാണ് ബൈനറി. ജോയി മാത്യു, സിജോയ് വര്‍ഗ്ഗീസ്, കൈലാഷ്, മാമുക്കോയ, അനീഷ് രവി, അനീഷ് ജി മേനോന്‍, നവാസ് വള്ളിക്കുന്ന് ലെവിന്‍, നിര്‍മ്മല്‍ പാലാഴി, കൂട്ടിക്കല്‍ ജയചന്ദ്രന്‍ കിരണ്‍രാജ് രാജേഷ് മലര്‍കണ്ടി , കെ പി സുരേഷ് കുമാര്‍, പ്രണവ് മോഹന്‍, ജോഹര്‍ കാനേഷ്, സീതു ലക്ഷ്മി, കീര്‍ത്തി ആചാരി എന്നിവരാണ് അഭിനേതാക്കള്‍. തിരക്കഥ- ജ്യോതിഷ് നാരായണന്‍, ബിനോയ് പി എം, സംഭാഷണം രഘു ചാലിയാര്‍, ക്യാമറ-സജീഷ് രാജ്, സംഗീതം-എം കെ അര്‍ജ്ജുനന്‍ & രാജേഷ് ബാബു കെ ശൂരനാട്, എഡിറ്റര്‍- അമൃത് ലൂക്ക, ഗാനരചന- പികെ ഗോപി, നജു ലീലാധര്‍, പിസി മുരളീധരന്‍, അഡ്വ ശ്രീരജ്ഞിനി, സജിതാ മുരളിധരന്‍. പ്രൊഡക്ഷന്‍ കണ്‍ട്രോളര്‍- ഗിരീഷ് നെല്ലിക്കുന്നുമ്മേല്‍, പ്രൊഡക്ഷന്‍ എക്‌സിക്യൂട്ടീവ് – പ്രശാന്ത് എന്‍ കാലിക്കട്ട്, സംഘട്ടനം- രാജേഷ് ബ്രൂസ്ലി, മേക്കപ്പ് അനൂപ് സാജു, കോസ്റ്റ്യും – മുരുകന്‍, പിആര്‍ഒ- പി ആര്‍ സുമേരന്‍, ഡിസൈന്‍സ്- മനോജ് ഡിസൈന്‍സ്.
Recent Comments