റഹ്‌മാനും ഭാവനയും കേന്ദ്രകഥാപാത്രങ്ങളെ അവതരിപ്പിക്കുന്ന ചിത്രത്തിന്റെ ഷൂട്ടിംഗ് ചോറ്റാനിക്കരയില്‍ ആരംഭിച്ചു. ഇരുവരും ആദ്യമായി ഒന്നിക്കുന്ന ചിത്രംകൂടിയാണ്. ചിത്രത്തിന് ടൈറ്റില്‍ ആയിട്ടില്ല. നവാഗതനായ റിയാസ് മാറാത്താണ് ചിത്രം തിരക്കഥയെഴുതി സംവിധാനം ചെയ്യുന്നത്. ഇതിനുമുമ്പ് സപ്തമശ്രീ തസ്‌കര എന്ന ചിത്രത്തിനുവേണ്ടി റിയാസ് തിരക്കഥ എഴുതിയിട്ടുണ്ട്.
ബിഗ് ബജറ്റിലൊരുങ്ങുന്ന ഒരു ത്രില്ലര്‍ ചിത്രമാണിത്. എ.പി.കെ. സിനിമാസിന്റെ ബാനറില്‍ ആദിത് പ്രസന്ന കുമാറാണ് ചിത്രം നിര്‍മ്മിക്കുന്നത്.
റഹ്‌മാനും ഭാവനക്കുമൊപ്പം ഷെബിന്‍ ബെന്‍സണ്‍, ബിനു പപ്പു തുടങ്ങിയവരും ചിത്രത്തില്‍ അഭിനയിക്കുന്നു. രണ്ട് ഷെഡ്യൂളുകളിലായി ചിത്രം പൂര്‍ത്തിയാകും. ആദ്യ ഷെഡ്യൂള്‍ മെയ് 20 ന് അവസാനിക്കും. എറണാകുളത്തിന് പുറമെ പൊള്ളാച്ചി, പോണ്ടിച്ചേരി, കൊടൈക്കനാല്‍, വാഗമണ്‍ എന്നിവയാണ് ചിത്രത്തിന്റെ പ്രധാന ലൊക്കേഷനുകള്‍.
സുജിത്ത് സാരംഗ് ഛായാഗ്രഹണം നിര്‍വ്വഹിക്കുന്ന ചിത്രത്തിന്റെ എഡിറ്റര്‍ കിരണ്‍ദാസും പ്രൊജക്ട് ഡിസൈനര്‍ പ്രണവ് രാജുമാണ്. പ്രൊഡക്ഷന്‍ കണ്‍ട്രോളര്‍ ഡേവിസണ്‍ സി ജെ. തല്ലുമാല, സുലേഖ മന്‍സില്‍ തുടങ്ങിയ ചിത്രങ്ങളുടെ പ്രൊമോ സോങ്ങ് ഒരുക്കിയ ഡബ്സി ആദ്യമായി സ്വതന്ത്ര സംഗീത സംവിധായകനാകുന്നു. കോസ്റ്റ്യൂം സമീറ സനീഷ്, ആര്‍ട്ട് അരുണ്‍ ജോസ്, മേക്കപ്പ് അമല്‍ ചന്ദ്രന്‍, കളറിസ്റ്റ് സിപി രമേഷ്, വിഎഫ്എക്‌സ് എഗ്ഗ് വൈറ്റ്, ആക്ഷന്‍ കോറിയോഗ്രഫി ആക്ഷന്‍ പ്രകാശ്, സൗണ്ട് ഡിസൈന്‍ സിങ്ക് സിനിമ, ഡിസൈന്‍സ് ആന്റണി സ്റ്റീഫന്‍.
Recent Comments