ബിജുമേനോനും ആസിഫ് അലിയും പ്രധാന കഥാപാത്രങ്ങളാകുന്ന ജിസ് ജോയ് ചിത്രത്തിന്റെ ഷൂട്ടിംഗ് തലശ്ശേരിയിലെ പ്രസിദ്ധമായ ആണ്ടല്ലൂര്‍ക്കാവ് ഷേത്രത്തില്‍ ആരംഭിച്ചു. ആസിഫ് അലിയുടെ ഭാര്യ സാമാ ആസിഫ് സ്വിച്ചോണ്‍ കര്‍മ്മവും മകന്‍ ആദം ആസിഫ് ഫസ്റ്റ് ക്ലാപ്പും നിര്‍വ്വഹിച്ചു.
ഈശോയ്ക്കും ചാവേറിനും ശേഷം അരുണ്‍ നാരായണ്‍ പ്രൊഡക്ഷന്‍സിന്റെ ബാനറില്‍ അരുണ്‍ നാരായണനാണ് ചിത്രം നിര്‍മ്മിക്കുന്നത്. സിജോ സെബാസ്റ്റിയന്‍ നിര്‍മ്മാണപങ്കാളിയാണ്. ലണ്ടന്‍ സ്റ്റുഡിയോസ് എന്നാണ് സിജോ സെബാസ്റ്റിയന്റെ നിര്‍മ്മാണകമ്പനിയുടെ പേര്.
അനുശ്രീ, റീനു മാത്യൂസ്, ദിലീഷ് പോത്തന്‍, കോട്ടയം നസീര്‍, ശങ്കര്‍ രാമകൃഷ്ണന്‍, ജോജി കെ. ജോണ്‍, ദിനേശ്, അനുരൂപ്, നന്ദന്‍ ഉണ്ണി, ബിലാസ് എന്നിവരാണ് മറ്റു താരങ്ങള്‍.
ഇന്‍വെസ്റ്റിഗേറ്റീവ് ത്രില്ലറാണ് ചിത്രം. കണ്ണൂര്‍, തലശ്ശേരി, കാസര്‍ഗോഡ്, വയനാട് എന്നിവിടങ്ങളിലായി ചിത്രീകരണം പൂര്‍ത്തിയാകും. പി.ആര്‍.ഒ. വാഴൂര്‍ ജോസ്.
Recent Comments