ലൂക്ക, മിണ്ടിയും പറഞ്ഞും എന്നീ ചിത്രങ്ങള്‍ക്കുശേഷം അരുണ്‍ബോസ് സംവിധാനം ചെയ്യുന്ന പുതിയ ചിത്രമാണ് മാരിവില്ലിന്‍ ഗോപുരങ്ങള്‍. ഇന്ദ്രജിത്ത് സുകുമാരന്‍, ശ്രുതി രാമചന്ദ്രന്‍, സര്‍ജാനോ ഖാലിദ്, വിന്‍സി അലോഷ്യസ് എന്നിവരാണ് കേന്ദ്ര കഥാപാത്രങ്ങളെ അവതരിപ്പിക്കുന്നത്. വസിഷ്ഠ് ഉമേഷ്, ജോണി ആന്റണി, സലിംകുമാര്‍, വിഷ്ണുഗോവിന്ദ് എന്നിവരാണ് ചിത്രത്തിലെ മറ്റ് താരനിരക്കാര്‍.
കോക്കേഴ്‌സ് മീഡിയ എന്റര്‍ടെയിന്‍മെന്റ്‌സിന്റെ ബാനറിലാണ് ചിത്രം നിര്‍മ്മിക്കുന്നത്. ചിത്രത്തിന്റെ പൂജയും ടൈറ്റില്‍ അനൗണ്‍സ്‌മെന്റും കൊച്ചിയില്‍ നടന്നു. മാരിവില്ലിന്‍ ഗോപുരങ്ങളെന്നാണ് ചിത്രത്തിന് പേരിട്ടിരിക്കുന്നത്. കോക്കേഴ്‌സ് ഫിലിംസിന്റെ ബാനറില്‍ നിര്‍മ്മിച്ച സമ്മര്‍ ഇന്‍ ബത്‌ലഹേമിലെ ഏറെ ജനപ്രീതി നേടിയ ‘മാരിവില്ലിന്‍ ഗോപുരങ്ങള്‍’ എന്ന് തുടങ്ങുന്ന ഗാനത്തിന്റെ വരികള്‍തന്നെയാണ് പുതിയ ചിത്രത്തിന്റെ ടൈറ്റിലിനായി തെരഞ്ഞെടുത്തിരിക്കുന്നതും. ആ ഗാനത്തിനെ പുനഃസൃഷ്ടിച്ചുകൊണ്ടാണ് മോഷന്‍ പോസ്റ്ററും പുറത്തിറങ്ങിയിരിക്കുന്നത്. ഈ ഗാനം സൃഷ്ടിച്ച വിദ്യാസാഗര്‍ തന്നെയാണ് പുതിയ ചിത്രത്തിന്റെയും സംഗീത സംവിധായകന്‍. പി.ആര്‍.ഒ. ശിവപ്രസാദ്.
ചിത്രത്തിന്റെ ഷൂട്ടിംഗ് കൊച്ചിയില്‍ ആരംഭിച്ചു.
Recent Comments