മഹാകവി കുമാരനാശാന്റെ ‘കരുണ’യെ ഒരു ധാര്‍മ്മിക വിചാരണക്ക് വിധേയമാക്കുന്ന ചിത്രമാണ് ‘വാസവദത്ത’. വാസവദത്തയായി ഇനിയ വേഷമിടുന്നു. റോബിന്‍ സെബാസ്റ്റ്യന്‍ ഉപഗുപ്തനാവുന്നു. വാസവദത്തയുടെ തോഴിയായി വേഷമിടുന്നത് രമ്യയാണ്. സുധീര്‍ കരമന തൊഴിലാളി നേതാവായും അഭിനയിക്കുന്നു. രാഹുല്‍ മാധവ്, ശിവ മുരളി,അരുണ്‍ കിഷോര്‍, അലന്‍സിയര്‍, ശ്രുതി തുടങ്ങിയവരാണ് മറ്റ് താരങ്ങള്‍.
ശിവ മീനാച്ചി പ്രൊഡക്ഷന്‍സിന്റെ ബാനറില്‍ ഷാജി പൂച്ചാക്കലാണ് വാസവദത്ത നിര്‍മ്മിക്കുന്നത്. ശ്യാം നാഥ് രചനയും സംവിധാനവും നിര്‍വ്വഹിക്കുന്നു. നോര്‍ത്ത് പറവൂര്‍ ദക്ഷിണ മൂകാംബിക ക്ഷേത്രത്തില്‍ വച്ച് ‘വാസവദത്ത’യുടെ തിരക്കഥ പൂജിച്ചു വാങ്ങി. ചിത്രത്തിന്റെ ഷൂട്ടിംഗ് ജൂണില്‍ ആരംഭിക്കും. മധുരയും കാരക്കുടിയുമാണ് പ്രധാന ലൊക്കേഷനുകള്‍.
സംവിധായകന്‍ ശ്യാം നാഥ് തന്നെ എഴുതിയ വരികള്‍ക്ക് ജെറി അമല്‍ദേവ് സംഗീതം പകരുന്നു. മധു ബാലകൃഷ്ണന്‍, ഗായത്രി, ജ്യോത്സന തുടങ്ങിയവരാണ് ഗായകര്‍. കെ.പി. നമ്പ്യാതിരി ഛായാഗ്രഹണം നിര്‍വ്വഹിക്കുന്നു. പ്രൊഡക്ഷന്‍ എക്‌സിക്യൂട്ടീവ് മുജീബ് ഒറ്റപ്പാലം, കല വിഷ്ണു നെല്ലായ, വസ്ത്രാലങ്കാരം സുനില്‍ റഹ്‌മാന്‍, ചമയം മനോജ് അങ്കമാലി. പിആര്‍ഒ-എ എസ് ദിനേശ്.
Recent Comments