തിരക്കഥാകൃത്ത് രാജേഷ് കെ. രാമന്‍ ആദ്യമായി സംവിധാനം ചെയ്ത നീരജയുടെ ഓഡിയോ റിലീസ് ചെയ്തു. ടിസീരീസ് മ്യൂസിക്കാണ് ഗാനങ്ങള്‍ പുറത്തിറക്കുന്നത്. ഷേക്‌സ്പിയര്‍ എം എ മലയാളം, സെയ് (തമിഴ്), സാരഥി എന്നീ ചിത്രങ്ങള്‍ക്ക് ശേഷം തിരക്കഥയും സംഭാഷണവും രചിച്ച് രാജേഷ് കെ. രാമന്‍ ആദ്യമായി സംവിധാനം ചെയ്യുന്ന ചിത്രമാണിത്. സൂരജ് പ്രൊഡക്ഷന്‍സിന്റെ ബാനറില്‍ എം രമേഷ് റെഡ്ഡിയാണ് ഈ ചിത്രം നിര്‍മ്മിക്കുന്നത്. കന്നടയില്‍ ഏഴോളം ചിത്രങ്ങള്‍ നിര്‍മ്മിച്ച രമേഷ് റെഡ്ഡി നിര്‍മ്മിക്കുന്ന ആദ്യ മലയാള ചിത്രമാണിത്.
ടൈറ്റില്‍ ക്യാരക്ടറായ നീരജയെ അവതരിപ്പിക്കുന്നത് ശ്രുതി രാമചന്ദ്രനാണ്. ഗുരു സോമസുന്ദരം, ജിനു ജോസഫ്, ഗോവിന്ദ് പത്മസൂര്യ, ശ്രിന്ദ എന്നിവര്‍ മറ്റു പ്രധാന കഥാപാത്രങ്ങളെ അവതരിപ്പിക്കുന്നത്. കലേഷ് രാമാനന്ദ്, രഘുനാഥ് പാലേരി, അഭിജശിവ കല, സ്മിനു സിജു, കോട്ടയം രമേശ്, സന്തോഷ് കീഴാറ്റൂര്‍, അരുണ്‍കുമാര്‍, ശ്രുതി രജനികാന്ത്, സജിന്‍ ചെറുകയില്‍ തുടങ്ങിയവരും ചിത്രത്തില്‍ അഭിനയിക്കുന്നു. ഒരു ഫാമിലി ഡ്രാമ സസ്‌പെന്‍സ് ചിത്രമാണ് നീരജ.
ഛായാഗ്രഹണം രാഗേഷ് നാരായണന്‍. എഡിറ്റിംഗ് അയൂബ് ഖാന്‍. ഗാനരചന വിനായക് ശശികുമാര്‍. സംഗീതം സച്ചിന്‍ ശങ്കര്‍ മന്നത്ത്. എആര്‍ റഹ്മാന്റെ അസോസിയേറ്റായിരുന്നു സച്ചിന്‍ ശങ്കര്‍മന്നത്ത്. പ്രശസ്ത കര്‍ണാട്ടിക് സംഗീതജ്ഞ എന്‍ ജെ നന്ദിനി ആദ്യമായി സിനിമയില്‍ പാടുന്നു. ബിജിഎം ബിപിന്‍ അശോക്. കല മനു ജഗത്ത്. മേക്കപ്പ് പ്രദീപ് ഗോപാലകൃഷ്ണന്‍. കോസ്റ്റ്യൂം ബ്യൂസി ബേബി ജോണ്‍. പ്രൊഡക്ഷന്‍ കണ്‍ട്രോളര്‍ സജീവ് ചന്തിരൂര്‍. പ്രൊഡക്ഷന്‍ എക്‌സിക്യൂട്ടീവ് സജീവ് പുതുപ്പള്ളി. ചീഫ് അസോസിയേറ്റ് ഡയറക്ടര്‍ അഭി ആനന്ദ്. അസോസിയറ്റ് ഡയറക്ടര്‍ നിധീഷ് ഇരിട്ടി. സ്റ്റില്‍സ് രാകേഷ് നായര്‍. പിആര്‍ഒ എംകെ ഷെജിന്‍.
Recent Comments