നാഗചൈതന്യ അക്കിനേനിയും അരവിന്ദ് സ്വാമിയും ആദ്യമായി ഒന്നിക്കുന്ന ചിത്രമാണ് കസ്റ്റഡി. കൃതി ഷെട്ടിയാണ് നായിക. വെങ്കട്ട് പ്രഭു സംവിധാനം ചെയ്യുന്ന ഈ ചിത്രം മെയ് 12ന് തീയറ്ററുകളില്‍ എത്തും. തെലുങ്കിലും തമിഴിലുമായി ചിത്രീകരിച്ച കസ്റ്റഡി മലയാളത്തിലേയ്ക്ക് മൊഴിമാറ്റം ചെയ്ത് വിതരണത്തിനെത്തിക്കുന്നത് ഫോര്‍ച്യൂണ്‍ സിനിമാസാണ്. ശ്രീനിവാസ സില്‍വര്‍ സ്‌ക്രീനിന്റെ ബാനറില്‍ ശ്രീനിവാസ ചിറ്റൂരിയാണ് ചിത്രം നിര്‍മ്മിക്കുന്നത്. ഒരു പോലീസ് കുറ്റാന്വേഷണ കഥയാണ് കസ്റ്റഡി പറയുന്നത്.
പ്രിയാമണി, ശരത്കുമാര്‍, ആര്‍ സമ്പത്ത് രാജ്, പ്രേംജി അമ്രാന്‍, വെണ്ണേല കിഷോര്‍, പ്രേമി വിശ്വനാഥ് എന്നിവരാണ് മറ്റ് അഭിനേതാക്കള്‍. ചിത്രത്തിന് കഥയും, തിരക്കഥയും, സംഭാഷണവും ഒരുക്കുന്നത് സംവിധായകന്‍ കൂടിയായ വെങ്കട്ട് പ്രഭുവാണ്. ഇളയരാജയും മകന്‍ യുവന്‍ ശങ്കര്‍ രാജയും ചേര്‍ന്നാണ് സംഗീതം ഒരുക്കുന്നത്.
Recent Comments