ജയജയജയജയഹേ എന്ന സൂപ്പര്‍ഹിറ്റ് ചിത്രത്തിനുശേഷം വിപിന്‍ദാസ് സംവിധാനം ചെയ്യുന്ന ചിത്രമാണ് ഗുരുവായൂരമ്പല നടയില്‍. ഇന്ന് ചിത്രത്തിന്റെ പൂജയും സ്വിച്ചോണ്‍ കര്‍മ്മവുമായിരുന്നു. ഗുരുവായൂര്‍ ക്ഷേത്രത്തില്‍വച്ചായിരുന്നു പൂജ. തുടര്‍ന്ന് മറ്റത്തിനടുത്ത് ഷൂട്ടിംഗും ആരംഭിച്ചു.
പൃഥ്വിരാജ്, ബേസില്‍ ജോസഫ്, നിഖില വിമല്‍, അനശ്വര രാജന്‍, യോഗി ബാബു, ജഗദീഷ്, രേഖ, ഇര്‍ഷാദ്, സിജു സണ്ണി, സഫ്‌വാന്‍, കുഞ്ഞികൃഷ്ണന്‍ മാസ്റ്റര്‍, മനോജ് കെ.യു. എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത്. ആദ്യ ഷെഡ്യൂളില്‍ പൃഥ്വിരാജ് ഇല്ല. ബേസില്‍ ജോസഫ് മെയ് 15 ന് ജോയിന്‍ ചെയ്യും. ജൂണ്‍ 25 വരെയാണ് ആദ്യഷെഡ്യൂള്‍ പ്ലാന്‍ ചെയ്തിരിക്കുന്നത്. ആഗസ്റ്റില്‍ രണ്ടാം ഷെഡ്യൂള്‍ ആരംഭിക്കും.
പൃഥ്വിരാജ് പ്രൊഡക്ഷനും E4 എന്റര്‍ടെയിന്‍മെന്റ്‌സും ചേര്‍ന്നാണ് ചിത്രം നിര്‍മ്മിക്കുന്നത്. സുപ്രിയാമേനോന്‍, മുകേഷ് ആര്‍ മേത്ത, സി.വി. സാരഥി എന്നിവരാണ് നിര്‍മ്മാതാക്കള്‍. ലൈന്‍ പ്രൊഡ്യൂസര്‍ ഹാരിസ് ദേശം, രചന ദീപു പ്രദീപ്, ക്യാമറ നീരജ് രവി, പ്രൊഡക്ഷന്‍ കണ്‍ട്രോളര്‍ റിനി ദിവാകര്‍, എഡിറ്റര്‍ ജോണ്‍കുട്ടി, സംഗീതം അങ്കിത് മേനോന്‍, ആര്‍ട്ട് ഡയറക്ടര്‍ സുനില്‍കുമാര്‍, കോസ്റ്റിയൂം അശ്വതി ജയകുമാര്‍, മേക്കപ്പ് സുധി സുരേന്ദ്രന്‍, സൗണ്ട് ഡിസൈനര്‍ അരുണ്‍ എസ്. മണി, ചീഫ് അസോസിയേറ്റ് ഡയറക്ടര്‍ ശ്രീലാല്‍. ഫിനാന്‍സ് കണ്‍ട്രോളര്‍ കിരണ്‍ നെട്ടയില്‍. പ്രൊഡക്ഷന്‍ എക്‌സിക്യൂട്ടീവ്‌സ് അനീഷ് നന്ദിപുലം, വിനോഷ് കൈമണ്‍, സ്റ്റില്‍ ജസ്റ്റിന്‍, പി.ആര്‍.ഒ. എ.എസ്. ദിനേശ്.
Recent Comments