വര്‍ഷങ്ങളുടെ ഇടവേളയ്ക്കു ശേഷം മീരാ ജാസ്മിനും നരേനും ഒന്നിക്കുന്ന ചിത്രമാണ് എം. പത്മകുമാര്‍ സംവിധാനം ചെയ്യുന്ന ക്വീന്‍ എലിസബത്ത്. ചിത്രത്തിലെ നരേന്റെ ക്യാരക്ടര്‍ പോസ്റ്റര്‍ റിലീസായി. അലക്‌സ് എന്ന മുപ്പത്തിയഞ്ചു വയസ്സുകാരനായാണ് നരേന്‍ ഈ ചിത്രത്തില്‍ എത്തുന്നത്. നരേന്‍ ഇതുവരെ അഭിനയിച്ച കഥാപാത്രങ്ങളില്‍ നിന്ന് വേറിട്ട് നില്‍ക്കുന്ന ഒരു വേഷമാണ് ചിത്രത്തിലേത്. ജൂഡ് ആന്തണി ജോസഫ് ചിത്രം 2018 ല്‍ മല്‍സ്യബന്ധന തൊഴിലാളിയായ വിന്‍സ്റ്റന് ലഭിച്ചുകൊണ്ടിരിക്കുന്ന അംഗീകാരങ്ങള്‍ക്ക് ശേഷം നരേന്‍ അഭിനയിച്ച ചിത്രം കൂടിയാണ് ക്വീന്‍ എലിസബത്ത്. ചിത്രത്തിലെ ടൈറ്റില്‍ ക്യാരക്ടറിനെ അവതരിപ്പിക്കുന്നത് മീരാ ജാസ്മിനാണ്. ചിത്രീകരണം പൂര്‍ത്തിയായ സിനിമയുടെ പോസ്റ്റ് പ്രൊഡക്ഷന്‍ വര്‍ക്കുകള്‍ പുരോഗമിക്കുന്നു.
രഞ്ജിത്ത് മണമ്പ്രക്കാട്ട്, എം. പത്മകുമാര്‍, ശ്രീറാം മണമ്പ്രക്കാട്ട് എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്. അര്‍ജുന്‍ ടി. സത്യനാണ് തിരക്കഥ ഒരുക്കിയിരിക്കുന്നത്.
Recent Comments