ഒത്തിരി പ്രഗത്ഭരും താരനിരക്കാരുമുള്ള, എന്നാല്‍ കുഞ്ഞു സിനിമ എന്ന തലക്കെട്ടോടെ സോഷ്യല്‍ മീഡിയ മാര്‍ക്കറ്റിങ്ങില്‍ ഇടംപിടിച്ചു തുടങ്ങിയ സിനിമയാണ് കെങ്കേമം. ഓരോ ചുവടുവയ്പ്പും സസൂഷ്മം ശ്രദ്ധിച്ചു വിലയിരുത്തി വന്ന ചിത്രത്തിന്റെ ട്രെയിലര്‍ റിലീസ് ചെയ്തപ്പോള്‍ സമ്മിശ്ര പ്രതികരണമാണുണ്ടായത്. കൂടാതെ ഒട്ടേറെ പരാമര്‍ശങ്ങളും സഹിക്കേണ്ടിവന്നു. ഇപ്പോഴിതാ കെങ്കേമത്തിന്റെ അണിയറ പ്രവര്‍ത്തകര്‍ ഒരു ലിറിക്കല്‍ വീഡിയോ റിലീസ് ചെയ്തു. അത്ഭുതമെന്ന് പറയട്ടെ ഒരു ദിവസംകൊണ്ട് 29 ലക്ഷധികം കാഴ്ചക്കാരാണ് വീഡിയോ കണ്ടിരിക്കുന്നത്. ഹരിനാരായണന്റെ വരികള്‍ക്ക് ദേവേശ് ആര്‍.നാഥ് സംഗീതം നല്‍കിയ യാനം യാനം എന്ന് തുടങ്ങുന്ന ഗാനം ആലപിച്ചിരിക്കുന്നത് ശ്രീനിവാസാണ്.
‘സിനിമ ഒരു സംവിധായകന്റെ കൈവലയങ്ങളിലൂടെ തന്നെ ഉണ്ടാകുന്ന സൃഷ്ടിയാണ്. അതില്‍ ചെറുത് വലുത് എന്നൊന്നും ഇല്ല. ചിന്തകള്‍ക്കാണ് സ്ഥാനം. മതിലുകളില്ലാതെ ചിന്തിക്കാന്‍ സാധിക്കുന്നിടത്തോളം ആ സൃഷ്ടി വളര്‍ന്നു കൊണ്ടിരിക്കും പ്രേക്ഷകന് ചിന്തിക്കാന്‍ സാധിക്കുന്നതിനേക്കാള്‍ വലിയൊരു സമ്മാനം നല്‍കുവാന്‍ സാദ്ധ്യമായാല്‍, അവരെ എന്റെര്‍റ്റൈന്‍ ചെയ്യാന്‍ സാധിച്ചാല്‍, തീര്‍ച്ചയായും ജനം സ്വീകരിക്കും എന്നത് തന്നെയാണ് ഇന്നുവരെയുള്ള സിനിമാ ചരിത്രം’ സംവിധായകന്‍ ഷാഹ്മോന്‍ ബി പാറേലില്‍ തുടര്‍ന്നു.
‘ആ വിജയ ഫോര്‍മുല ഈ ചിത്രത്തിലുമുണ്ട്. വലിയ കാന്‍വാസ് ആവശ്യമില്ലാത്ത ടെക്‌നിക്കല്‍ പെര്‍ഫെക്ഷന്‍ കൂടുതല്‍ വേണ്ട സിനിമയാണ് കെങ്കേമം. ഏകദേശം 6000 ത്തിലധികം റോട്ടോ ഫ്രെയിമുകളും 8 മിനിറ്റോളം ഗ്രാഫിക്സും ചേര്‍ന്ന കെങ്കേമം തീയേറ്ററുകളില്‍ നിങ്ങളെ രസിപ്പിക്കും. എങ്കിലും ചിത്രത്തിന്റെ സബ്ജക്ട് തന്നെയായിരിക്കും ഹീറോ’ എന്നും സംവിധായകന്‍ കൂട്ടിച്ചേര്‍ത്തു.
ഭഗത് മാനുവല്‍, നോബി, ലെവിന്‍ തുടങ്ങിയവരാണ് മുഖ്യ കഥാപാത്രങ്ങളെ അവതരിപ്പിക്കുന്നത്. കോമഡി ത്രില്ലറാണ് ചിത്രം. ഛായാഗ്രഹണം വിജയ് ഉലകനാഥ്, പ്രൊഡക്ഷന്‍ ഡിസൈനര്‍ ജോസഫ് നെല്ലിക്കല്‍, മേക്കപ്പ് ലിബിന്‍ മോഹന്‍, വിഎഫ്എക്‌സ് കോക്കോനട്ട് ബഞ്ച്, വസ്ത്രാലങ്കാരം ഭക്തന്‍ മാങ്ങാട്, എഡിറ്റര്‍ സിയാന്‍ ശ്രീകാന്ത്, കളറിസ്റ്റ് സുജിത് സദാശിവന്‍, പിആര്‍ഒ അയമനം സാജന്‍, ഷെജിന്‍. പരസ്യകല കോളിന്‍സ് ലിയോഫില്‍.
Recent Comments