പുതുമുഖങ്ങള്‍ക്ക് പ്രാധാന്യം നല്‍കി ഒരുക്കുന്ന ചിത്രമാണ് കുരുക്ക്. നവാഗതനായ അഭിജിത്ത് നൂറാണി തിരക്കഥ രചിച്ച് സംവിധാനം ചെയ്യുന്ന ഈ ചിത്രത്തിന്റെ ഷൂട്ടിംഗ് തിരുവനന്തപുരത്ത് ആരംഭിച്ചു. നിഷാ പ്രൊഡക്ഷന്‍സിന്റെ ബാനറില്‍ ഷാജി പുനലാലാണ് ചിത്രം നിര്‍മ്മിക്കുന്നത്. തലസ്ഥാനനഗരിയെ നടുക്കിയ ഒരു ഇരട്ടക്കൊലപാതകത്തിന്റെ കുരുക്കഴിക്കുവാന്‍ ശ്രമിക്കുന്ന സമര്‍ത്ഥനായ ഒരു പൊലീസ് ഉദ്യോഗസ്ഥന്റെ അന്വേഷണമാണ് ചിത്രം പറയുന്നത്. ഒരു ഇന്‍വസ്റ്റിഗേറ്റീവ് ത്രില്ലറാണ് ചിത്രം.
സെക്കന്റ് ഷോ എന്ന ചിത്രത്തിലൂടെ ശ്രദ്ധേയനായ അനില്‍ ആന്റോയാണ് കേന്ദ്ര കഥാപാത്രമായ സി.ഐ. സാജനെ അവതരിപ്പിക്കുന്നത്. മഹേഷ്, ബാലാജി ശര്‍മ്മ,ബിന്ദു കെ. എസ് , യമുന, രാജ് കുമാര്‍, പ്രീതാ പ്രദീപ്, മീരാ നായര്‍, അസീം ഇബ്രാഹിം, ശ്രീജിത്ത് ശ്രീകണ്ഠന്‍, സുബിന്‍ ടാര്‍സന്‍, അജയഘോഷ്, സന്ദീപ് സച്ചു, ഡോ. അനീഷ് എന്നിവരും ചിത്രത്തിലെ പ്രധാന താരങ്ങളാണ്.
മോഹന്‍ കുപ്ലേരി സംവിധാനം ചെയ്ത ടി.വി. പരമ്പരയില്‍ പ്രധാന സഹായിയായി പ്രവര്‍ത്തിച്ചു കൊണ്ടാണ് അഭിജിത്തിന്റെ തുടക്കം. പിന്നീട് ഇരുപതോളം ഷോര്‍ട്ട് ഫിലിമുകളും വെബ് സീരിസും ഒരുക്കി. സംസ്ഥാന സര്‍ക്കാരിന്റെ സോഷ്യല്‍ ജസ്റ്റിസ് ഡിപ്പാര്‍ട്ട്‌മെന്റിനുവേണ്ടിയും പൊലീസ് ഡിപ്പാര്‍ട്ട്‌മെന്റിനുവേണ്ടിയും പരസ്യചിത്രങ്ങള്‍ സംവിധാനം ചെയ്തിരുന്നു.
ഛായാഗ്രഹഹണം റെജിന്‍സ് സാന്റോ, സംഗീതം യു.എസ്. ദീക്ഷ്.-സുരേഷ് പെരിനാട്. ചീഫ് അസോസ്സിയേറ്റ് ഡയറക്ടര്‍ സുഹാസ് അശോകന്‍, കലാസംവിധാനം രതീഷ് വലിയകുളങ്ങര, കോസ്റ്റ്യൂം ഡിസൈന്‍ രാംദാസ്, മേക്കപ്പ് ജിജു കൊടുങ്ങല്ലൂര്‍, സംഘട്ടനം ബ്രൂസ്ലി രാജേഷ്, ഗാനങ്ങള്‍ രാജേഷ് നീണ്ടകര, ഷാനി ഭുവന്‍, കോ-റൈറ്റര്‍& ക്രിയേറ്റീവ് ഡയറക്ടര്‍ പി. ജിംഷാര്‍, പ്രൊജക്റ്റ് ഡിസൈനര്‍ അഖില്‍ അനിരുദ്ധ്, ഫിനാന്‍സ് മാനേജര്‍ അഷയ് ജെ., ഫിനാന്‍സ് കണ്‍ടോളര്‍ സന്തോഷ് ബാലരാമപുരം, പ്രൊഡക്ഷന്‍ എക്‌സിക്കുട്ടീവ് കുര്യന്‍ ജോസഫ്, പ്രൊഡക്ഷന്‍ കണ്‍ടോളര്‍ മുരുകന്‍ എസ്., ചിത്രീകരണം പുരോഗമിക്കുന്ന കുരുക്ക് തിരുവനന്തപുരത്തും പരിസരങ്ങളിലുമായി പൂര്‍ത്തിയാകും. പി.ആര്‍.ഒ. വാഴൂര്‍ ജോസ്, ഫോട്ടോ അജി മസ്‌ക്കറ്റ്.
Recent Comments