ആരോമലിന്റെ ആദ്യത്തെ പ്രണയം എന്ന ചിത്രത്തിലെ രണ്ടാമത്തെ ഗാനം പുറത്തിറങ്ങി. സൈന മ്യൂസികാണ് ഗാനം പുറത്തിറക്കിയിരിക്കുന്നത്. സിദ്ധിഖ് സമാന്‍, അമാന ശ്രീനി തുടങ്ങിയവരാണ് ഗാന രംഗത്തുള്ളത്. ‘ഇന്നീ രാവില്‍’ എന്നു തുടങ്ങുന്ന പാട്ടിന്റെ വരികള്‍ എഴുതിയിരിക്കുന്നത് അനൂപ് ജിയാണ്. സംഗീതം ശ്രീകാന്ത് എസ് നാരായണ്‍ നിര്‍വ്വഹിച്ചിരിക്കുന്നു. കെ.എസ്. ഹരിശങ്കറാണ് ഗാനമാലപിച്ചിരിക്കുന്നത്.
നാട്ടിന്‍പുറത്തുകാരനായ ചെറുപ്പക്കാരന്‍ ആരോമലിന്റെ ജീവിതത്തിലെ രസകരമായ പ്രണയവും തുടര്‍സംഭവവികാസങ്ങളുമാണ് ചിത്രം പറയുന്നത്. രസകരമായ നര്‍മ്മ മുഹൂര്‍ത്തങ്ങളിലൂടെ മുന്നേറുന്ന ഒരു ഫാമിലി റൊമാന്റിക് ഡ്രാമയാണ് സിനിമ. നേരത്തെ ചിത്രത്തിന്റെ ഗാനവും ടീസറും പുറത്തുവിട്ടിരുന്നു. മുബീന്‍ റൗഫാണ് സംവിധായകന്‍.
ഫ്രെയിം 2 ഫ്രെയിം മോഷന്‍ പിക്ച്ചര്‍സാണ് ചിത്രം നിര്‍മ്മിച്ചിരിക്കുന്നത്. സലിം കുമാര്‍, വിനോദ് കോവൂര്‍, ഋഷി സുരേഷ്, അഭിലാഷ് ശ്രീധരന്‍ റമീസ് കെ, ഹബീന, ഇന്ദു ഹരിപ്പാട്, രവി, അക്ഷയ് അശോക്, മെല്‍ബിന്‍ എന്നിവരും ചിത്രത്തില്‍ അഭിനയിക്കുന്നുണ്ട്.
തിരക്കഥ മിര്‍ഷാദ് കൈപ്പമംഗലം, ഛായാഗ്രഹണം എല്‍ദോ ഐസക്, ക്രിയേറ്റീവ് ഡയറക്ടര്‍ അമരിഷ് നൗഷാദ് കലാസംവിധാനം സിദ്ധിഖ് അഹമ്മദ് പശ്ചാത്തല സംഗീതം ശ്രീകാന്ത് എസ്. നാരായണ്‍ ഗാനരചന രശ്മി സുശീല്‍, മിര്‍ഷാദ് കൈപ്പമംഗലം, അനൂപ് ജി സംഗീതം ചാള്‍സ് സൈമണ്‍, ശ്രീകാന്ത് എസ്. നാരായണ്‍ എന്നിവര്‍ നിര്‍വ്വഹിച്ചിരിക്കുന്നു. എഡിറ്റിംഗ് & കളറിസ്‌റ് അമരീഷ് നൗഷാദ്, പിആര്‍ഒ അജയ് തുണ്ടത്തില്‍.
Recent Comments