രാംചരണ്‍ അടുത്തിടെ ആരംഭിച്ച പ്രൊഡക്ഷന്‍ ഹൗസാണ് വി മെഗാ പിക്‌ച്ചേഴ്‌സ്. സുഹൃത്ത് വിക്രം റെഡ്ഡിയുടെ യുവി ക്രിയേഷനുമായി സഹകരിച്ചായിരുന്നു രാംചരണ്‍ തന്റെ പുതിയ പ്രൊഡക്ഷന്‍ കമ്പനി പ്രഖ്യാപിച്ചത്. ഇപ്പോള്‍ ഇതാ അഭിഷേക് അഗര്‍വാളിനെ വി മെഗാ പിക്‌ച്ചേഴ്‌സുമായി സഹകരിക്കാന്‍ ഒരുങ്ങുകയാണ് രാംചരണ്‍.
പാന്‍ ഇന്ത്യന്‍ ലെവറില്‍ പുതിയ നായകനെയും നവാഗത സംവിധായകനെയും അണിനിരത്തി ആദ്യ ചിത്രം നിര്‍മ്മിക്കാനാണ് പദ്ധതി. ചിത്രത്തിന്റെ ഔദ്യോഗിക പ്രഖ്യാപനം ഉടന്‍ ഉണ്ടാകും.
കാശ്മീര്‍ ഫൈല്‍സ്, കാര്‍ത്തികേയ 2 തുടങ്ങിയ സൂപ്പര്‍ഹിറ്റ് ചിത്രങ്ങള്‍ നിര്‍മ്മിച്ച നിര്‍മ്മാണക്കമ്പനിയാണ് അഭിഷേക് അഗര്‍വാളിന്റെ ഉടമസ്ഥതയിലുള്ള അഭിഷേക് അഗര്‍വാള്‍ ആര്‍ട്ട്‌സ്. ചിത്രീകരണം പൂര്‍ത്തിയായ രവിതേജ ചിത്രം ടൈഗര്‍ നാഗേശ്വര റാവു നിര്‍മ്മിച്ചതും അഭിഷേക് അഗര്‍വാളാണ്.
Recent Comments