ഡീനോ ഡെന്നിസ് തിരക്കഥ രചിച്ച് സംവിധാനം ചെയ്യുന്ന മമ്മുട്ടി ചിത്രത്തിന്റെ ഫസ്റ്റ് ലുക്ക് പോസ്റ്റര്‍ റിലീസായി.
‘ഒരുപാട് നിഗൂഢതകള്‍ നിറഞ്ഞതാണ് പോസ്റ്റര്‍. മമ്മൂട്ടി തന്നെയാണ് ചിത്രത്തിന്റെ ഹൃദയം. ഞങ്ങള്‍ ഇത് രണ്ടാം വട്ടമാണ് അദ്ദേഹത്തോടൊപ്പം വര്‍ക്ക് ചെയ്യുന്നത്. ഈ പോസ്റ്ററിലെ അദ്ദേഹത്തിന്റെ ലുക്ക് തന്നെയായിരിക്കും ചര്‍ച്ചാവിഷയം.’ സരിഗമ വൈസ് പ്രസിഡന്റ് സിദ്ധാര്‍ത്ഥ് ആനന്ദ് കുമാര്‍ പറഞ്ഞു.
സരിഗമയുടെ ഫിലിം സ്റ്റുഡിയോയായ യൂഡ്‌ലീ ഫിലിംസിന്റെ ബാനറില്‍ വിക്രം മെഹ്റയ്ക്കും സിദ്ധാര്‍ത്ഥ് ആനന്ദ് കുമാറിനുമൊപ്പം തീയേറ്റര്‍ ഓഫ് ഡ്രീംസിന്റെ ബാനറില്‍ ജിനു വി. എബ്രഹാമും ഡോള്‍വിന്‍ കുര്യാക്കോസും ചേര്‍ന്നാണ് ചിത്രം നിര്‍മിക്കുന്നത്.
‘ഞാന്‍ മുന്‍പ് പറഞ്ഞതുപോലെ മമ്മൂട്ടി സാറിനൊപ്പം ജോലി ചെയ്യുക എന്നത് എന്റെ സ്വപ്നമായിരുന്നു. ഈ പോസ്റ്റര്‍ ആ സ്വപ്നം സാക്ഷാത്കരിക്കുന്നതാണ്. ഞാന്‍ എപ്പോഴും പറയാന്‍ ആഗ്രഹിച്ച ഒരു കഥയില്‍ അദ്ദേഹത്തിന്റെ സാന്നിദ്ധ്യം കാണുമ്പോള്‍ വളരെ ത്രിലിങ്ങ് അനുഭവമാണ് തോന്നുന്നത്. ടീസര്‍ എത്രയും വേഗം നിങ്ങളുമായി ഷെയര്‍ ചെയ്യാനാണ് ഞാന്‍ ആഗ്രഹിക്കുന്നത്’ സംവിധായകന്‍ ഡീനോ ഡെന്നീസ് പോസ്റ്റര്‍ പങ്കുവച്ചുകൊണ്ട് പറഞ്ഞു.
മെയ് 10ന് കൊച്ചിയില്‍ ആരംഭിച്ച ബസൂക്കയുടെ ചിത്രീകരണം നിലവില്‍ പുരോഗമിക്കുകയാണ്. പി.ആര്‍.ഒ. ശബരി.
Recent Comments