ഏകദേശം ഏഴ് വര്‍ഷക്കാലത്തോളം മുടങ്ങിക്കിടന്ന തമിഴ് പ്രോജക്ടാണ് ധ്രുവനക്ഷത്രം. ചിയാന്‍ വിക്രമിനെ കേന്ദ്രകഥാപാത്രമാക്കി ഗൗതം വാസുദേവ് മേനോന്‍ തിരക്കഥ എഴുതി സംവിധാനം നിര്‍വ്വഹിക്കുന്ന ചിത്രം കൂടിയാണിത്. കഴിഞ്ഞ കുറച്ച് മാസങ്ങള്‍ക്കുമുമ്പ് നിര്‍മ്മാതാക്കള്‍ ചിത്രത്തിന്റെ പ്രവര്‍ത്തനങ്ങള്‍ പുനരാരംഭിച്ചു. റിലീസിന് മുന്നോടിയായി ജൂണ്‍ 17 ന് ചിത്രത്തിന്റെ ട്രെയിലര്‍ റിലീസ് ചെയ്യാന്‍ പദ്ധതിയിട്ടിരിക്കുകയാണ്. ചിത്രത്തിന്റെ സംഗീത സംവിധായകന്‍ കൂടിയായ ഹാരിസ് ജയരാജിന്റെ മലേഷ്യയിലെ സംഗീതനിശയില്‍വച്ചായിരിക്കും ട്രെയിലര്‍ റിലീസ് ചെയ്യുക.
ജൂലൈ 14 ന് ചിത്രം റിലീസ് ചെയ്യുമെന്നാണ് സൂചന. ഔദ്യോഗിക പ്രഖ്യാപനം ഉടന്‍ ഉണ്ടാവുമെന്നാണ് കരുതുന്നത്.
ഒരു സ്‌പൈ ത്രില്ലറാണ് ചിത്രം. വിക്രമിനെ കൂടാതെ ഋതു വര്‍മ്മ, സിമ്രാന്‍, ഐശ്വര്യ രാജേഷ്, രാധിക, വിനായകന്‍, അര്‍ജുന്‍ ദാസ്, വംശി കൃഷ്ണ എന്നിവരും ചിത്രത്തിലെ പ്രധാന വേഷങ്ങള്‍ കൈകാര്യം ചെയ്യുന്നു. 2016 ലാണ് ചിത്രത്തിന്റെ ഷൂട്ടിംഗ് ആരംഭിച്ചെങ്കിലും ചില സാങ്കേതിക കാരണങ്ങളാല്‍ ഷൂട്ടിംഗ് നിര്‍ത്തിവയ്‌ക്കേണ്ടിവന്നു. ഏതായാലും ഏഴ് വര്‍ഷത്തിനുശേഷം ചിത്രം ബിഗ് സ്‌ക്രീനില്‍ കാണാന്‍ സാധിക്കുമെന്ന പ്രതീക്ഷയിലാണ് ചിയാന്റെ ആരാധകര്‍.
Recent Comments