ലാല്‍ജോസിന്റെ ക്ലാസ്‌മേറ്റ്‌സ് എന്ന ചിത്രത്തിലൂടെ അരങ്ങേറ്റം കുറിച്ച നടനാണ് സുബീഷ് സുധി. പിന്നീട് ലാല്‍ജോസിന്റെതന്നെ നിരവധി ചിത്രങ്ങളില്‍ അദ്ദേഹം ചെറുതും വലുതുമായ വേഷങ്ങള്‍ ചെയ്തു. അനില്‍ രാധാകൃഷ്ണന്‍ മേനോന്‍ സംവിധാനം ചെയ്ത ലോര്‍ഡ് ലിവിംസ്റ്റണ്‍ ഏഴായിരം കണ്ടിയിലെ സുബീഷിന്റെ ആദിവാസി കഥാപാത്രം ഏറെ ശ്രദ്ധിക്കപ്പെട്ടിരുന്നു. സുബീഷ് സുധി ആദ്യമായി നായകനാകുന്ന ചിത്രത്തിന്റെ ഷൂട്ടിംഗ് കാഞ്ഞങ്ങാട് ആരംഭിച്ചു. ഷെല്ലിയാണ് നായിക. സുബീഷിന്റെ ഗുരുനാഥന്‍ കൂടിയായ ലാല്‍ജോസും ഈ ചിത്രത്തില്‍ ശ്രദ്ധേയമായ ഒരു കഥാപാത്രത്തെ അവതരിപ്പിക്കുന്നു. ഗൗരി ജി കിഷന്‍, വിനീത് വാസുദേവ്, അജു വര്‍ഗീസ്, ജാഫര്‍ ഇടുക്കി, ഗോകുല്‍ എന്നിവരാണ് മറ്റു താരനിരക്കാര്‍.
നവാഗതരായ നിസാം റാവുത്തറും ടി.വി. രഞ്ജിത്തും ചേര്‍ന്നാണ് ചിത്രം സംവിധാനം ചെയ്യുന്നത്. തിരക്കഥ എഴുതുന്നത് നിസാം റാവുത്തറാണ്. ടൈറ്റില്‍ ജൂണ്‍ 20 ന് അനൗണ്‍സ് ചെയ്യും.
ഭവാനി പ്രൊഡക്ഷന്‍സിന്റെ ബാനറില്‍ ജഗനാഥന്‍, ടിവി കൃഷ്ണന്‍ തുരുത്തി, കെസി രഘുനാഥ് എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്. ഛായാഗ്രഹണം അന്‍സര്‍ ഷാ,
സംഗീതം അജ്മല്‍ ഹസ്ബുള്ള, എക്‌സിക്യൂട്ടീവ് പ്രൊഡ്യൂസര്‍ നാഗരാജ്, പ്രൊഡക്ഷന്‍ കണ്‍ട്രോളര്‍ ദീപക് പരമേശ്വരന്‍, കല ഷാജി മുകുന്ദ്, മേക്കപ്പ് റോണക്‌സ് സേവ്യര്‍, വസ്ത്രാലങ്കാരം സമീറ സനീഷ്, സ്റ്റില്‍സ് അജി മസ്‌ക്കറ്റ്, പരസ്യക്കല യെല്ലൊ ടൂത്ത്‌സ്, എഡിറ്റര്‍ ജിതിന്‍ ഡി കെ, ക്രിയേറ്റീവ് ഡയറക്ടര്‍ രഘുരാമവര്‍മ്മ, ചീഫ് അസോസിയേറ്റ് ഡയറക്ടര്‍ എംഎസ് നിതിന്‍, അസോസിയേറ്റ് ഡയറക്ടര്‍ അരുണ്‍ പിഎസ്, അസിസ്റ്റന്റ് ഡയറക്ടര്‍ ശ്യാം, അരുണ്‍, അഖില്‍, ഫിനാന്‍സ് കണ്‍ട്രോളര്‍ വിജീഷ് രവി, പ്രൊഡക്ഷന്‍ എക്‌സിക്യൂട്ടീവ് വിനോദ് വേണുഗോപാല്‍, പ്രൊഡക്ഷന്‍ മാനേജര്‍ വിവേക്, പിആര്‍ഒ എഎസ് ദിനേശ്.
Recent Comments