പ്രേക്ഷകരുടെ പ്രിയ യുവതാരം നിവിന്‍ പോളി നായകനായി എത്തുന്ന പുതിയ ചിത്രത്തിന്റെ ലൊക്കേഷന്‍ സ്റ്റില്‍ പുറത്ത്. എന്‍പി 42 എന്ന് പേരിട്ടിരിക്കുന്ന ചിത്രത്തിന്റെ സംവിധായകന്‍ ഹനീഫ് അദേനി ആണ്. യുഎഇയിലും കേരളത്തിലുമായിട്ടായിരുന്നു ചിത്രത്തിന്റെ ഷൂട്ടിംഗ് നടന്നത്. നാലു മാസങ്ങളിലായി രണ്ട് ഷെഡ്യൂളുകളിലായാണ് സിനിമ ചിത്രീകരിച്ചത്.
ഇപ്പോഴിതാ ചിത്രത്തിന്റെ ലൊക്കേഷന്‍ സ്റ്റില്ലാണ് പുറത്തു വന്നിരിക്കുന്നത്. മരുഭൂമിയില്‍ ഷൂട്ട് നടക്കുന്നതിനിടയില്‍ പകര്‍ത്തിയ ചിത്രമാണിത്. വലിയ ക്രെയിന്‍ യൂണിറ്റും നിരവധി വാഹനങ്ങള്‍ നിരയായി കിടക്കുന്നതും ചിത്രത്തില്‍ വ്യക്തമാണ്. ഡെസേര്‍ട്ടിലെ ഒരു രംഗം ചിത്രീകരിക്കുന്നതിനു വേണ്ടിയുള്ള ഒരുക്കം നടക്കുന്നതിനിടെ പകര്‍ത്തിയതാവാം ഈ ചിത്രമെന്നാണ് സൂചനകള്‍. നിരവധി പേര്‍ ജോലിയില്‍ വ്യാപൃതരായിരിക്കുന്നത് ചിത്രത്തില്‍ വ്യക്തമാണ്.
മിഖായേല്‍ എന്ന ചിത്രത്തിനു ശേഷം നിവിന്‍ പോളിയും ഹനീഫ് അദേനിയും ഒരുമിക്കുന്ന പ്രൊജക്റ്റാണിത്. മാജിക് ഫ്രെയിംസും പോളി ജൂനിയര്‍ പിക്‌ചേഴ്‌സും ചേര്‍ന്നാണ് ചിത്രം നിര്‍മിക്കുന്നത്. ഛായാഗ്രഹണം വിഷ്ണു തണ്ടാശ്ശേരി.
നിവിന്‍ പോളിക്ക് പുറമെ ജാഫര്‍ ഇടുക്കി, വിനയ് ഫോര്‍ട്ട്, വിജിലേഷ്, മമിത ബൈജു, ആര്‍ഷ എന്നിവരും ചിത്രത്തില്‍ അഭിനയിക്കുന്നുണ്ട്.
Recent Comments