നവാഗതനായ വിഷ്ണു ഭരതന്‍ സംവിധാനം ചെയ്യുന്ന ഫീനിക്സിന്റെ ചിത്രീകരണം പൂര്‍ത്തിയായി. തലശ്ശേരി, മാഹി ഭാഗങ്ങളിലായിരുന്നു ചിത്രീകരണം. അറുപത് ദിവസത്തോളം എടുത്താണ് ചിത്രീകരണം പൂര്‍ത്തിയായത്.
പ്രണയവും കുടുംബബന്ധങ്ങളും കോര്‍ത്തിണക്കിയ ഒരു വിന്റേജ് ഹൊറര്‍ ചിത്രമാണ് ഫിനിക്‌സ്. മലയാളത്തില്‍ വന്‍ വിജയം നേടിയ അഞ്ചാം പാതിരായുടെ തിരക്കഥാകൃത്ത് മിഥുന്‍ മാനുവല്‍ തോമസ്സിന്റെ തിരക്കഥ ഈ ചിത്രത്തിന്റെ ഏറ്റവും വലിയ ആകര്‍ഷണ ഘടകമാണ്. ഫീനിക്സിന്റെ നിഗൂഢത ജനിപ്പിക്കുന്ന ഫസ്റ്റ് ലുക്ക് പോസ്റ്ററിന് വലിയ സ്വീകാര്യത ലഭിച്ചിരുന്നു.
ചന്തു നാഥ്, അജു വര്‍ഗീസ്, അനൂപ് മേനോന്‍ എന്നിവര്‍ കേന്ദ്ര കഥാപാത്രങ്ങളെ അവതരിപ്പിക്കുന്നു. ഭഗത് മാനുവല്‍, ഡോ. റോണി രാജ്, അജി ജോണ്‍, അജിത് തലപ്പള്ളി, ആശാ അരവിന്ദ്, സിനി ഏബ്രഹാം, രജനി നിലാ ആവണി, ആവണി ജെസ്, ഇ ഫാല്‍ എന്നിവരാണ് മറ്റു താരങ്ങള്‍.
ഫ്രണ്ട് റോ പ്രൊഡക്ഷന്‍സിന്റെ ബാനറില്‍ റിനീഷ് കെ.എന്‍. ആണ് ഫീനിക്‌സ് നിര്‍മിക്കുന്നത്. 21 ഗ്രാം എന്ന ഹിറ്റ് ചിത്രത്തിനു ശേഷം ഫ്രണ്ട്‌റോ പ്രൊഡക്ഷന്‍സ് നിര്‍മ്മിക്കുന്ന ചിത്രം കൂടിയാണിത്.
Recent Comments