ദുല്‍ഖറിന്റെ പാന്‍ ഇന്ത്യന്‍ ചിത്രം കിംഗ് ഓഫ് കൊത്തയുടെ അപ്ഡേറ്റുകള്‍ക്കാണ് ഇന്ന് സോഷ്യല്‍ മീഡിയയില്‍ ഏറെ ഡിമാന്‍ഡ്. കൊത്തയിലെ ദുല്‍ഖറിന്റെ രണ്ടാമത്തെ ലുക്ക് കൂടി പുറത്ത് വിട്ടതിന് പിന്നാലെ സോഷ്യല്‍ മീഡിയ ആളിക്കത്തി. വലതുകൈയില്‍ സിഗാറും ഇടതുകൈയില്‍ പിസ്റ്റളുമായി കാര്‍ക്കശ്യ ഭാവത്തോടെ ഇരിക്കുന്ന കൊത്തയിലെ രാജാവിനെയാണ് പോസ്റ്ററില്‍ കാണാനാവുന്നത്. ട്വിറ്ററില്‍ ഇന്ത്യാ ട്രെന്‍ഡിങ് ലിസ്റ്റില്‍ കിംഗ് ഓഫ് കൊത്തയും ദുല്‍ഖര്‍ സല്‍മാനും ആദ്യ രണ്ടു സ്ഥാനങ്ങള്‍ കീഴടക്കി തരംഗമാകുകയാണ്. ഇന്ന് വൈകിട്ട് 6 മണിക്കാണ് കിംഗ് ഓഫ് കൊത്തയുടെ ടീസര്‍ പ്രേക്ഷകരിലേക്കെത്തുന്നത്. ആക്ഷന്‍ രംഗങ്ങളാണ് കിംഗ് ഓഫ് കൊത്തയുടെ ഹൈലൈറ്റാകാന്‍ പോകുന്നത്. ചിത്രത്തിന്റെ മലയാള ടീസര്‍ മമ്മൂട്ടിയും തെലുങ്ക് ടീസര്‍ മഹേഷ് ബാബുവും കന്നഡ ടീസര്‍ രക്ഷിത് ഷെട്ടിയും തമിഴ് ടീസര്‍ സിലമ്പരശനും പുറത്തിറക്കും. സീ സ്റ്റുഡിയോസും ദുല്‍ഖറിന്റെ വേഫേറെര്‍ ഫിലിംസും ചേര്‍ന്ന് നിര്‍മ്മിക്കുന്ന ചിത്രത്തിന്റെ സംവിധായകന്‍ അഭിലാഷ് ജോഷിയാണ്.
Recent Comments