മണികണ്ഠന്‍ ആചാരിയെയും നന്ദു ആനന്ദിനെയും കേന്ദ്ര കഥാപാത്രങ്ങളാക്കി ഗിരീഷ് പി.സി. രചനയും സംവിധാനവും നിര്‍വ്വഹിച്ച ‘ഴ’യുടെ ടീസര്‍ സോഷ്യല്‍ മിഡീയായിലൂടെയും അണിയറ പ്രവര്‍ത്തകര്‍ പുറത്തുവിട്ടു. തീവ്രമായൊരു സൗഹൃദത്തിന്റെ കഥ പറയുന്ന ചിത്രമാണ് ‘ഴ’. നൈറാ നീ ഹാര്‍, സന്തോഷ് കീഴാറ്റൂര്‍, ലക്ഷിമി പ്രിയ, രാജേഷ് ശര്‍മ്മ, ഷൈനി സാറ, വിജയന്‍ കാരന്തൂര്‍, അജിത വി.എം., അനുപമ വി.പി. എന്നിവരാണ് മറ്റ് അഭിനേതാക്കള്‍.
സ്വന്തം ജീവനേക്കാള്‍ തന്റെ സുഹൃത്തിനെ സ്‌നേഹിക്കുന്ന രണ്ട് യുവാക്കളുടെ തീക്ഷ്ണവും തീവ്രവുമായ സൗഹൃദവഴിയിലൂടെയാണ് ‘ഴ’യുടെ കഥ വികസിക്കുന്നത്. തമാശയും സസ്‌പെന്‍സും ത്രില്ലും നിറഞ്ഞ സിനിമ ഒരു കുടുംബ പശ്ചാത്തലത്തിന്റെ കഥ കൂടി പറയുന്നുണ്ട്. മനുഷ്യബന്ധങ്ങളില്‍ ഇങ്ങനെയും സൗഹൃദങ്ങള്‍ ഉണ്ടോ? ആ ഒരു ചോദ്യത്തിനുള്ള ഉത്തരം കൂടിയാണ് ‘ഴ’യുടെ ഇതിവത്തം.
വോക്ക് മീഡിയയുടെയും നന്ദന മുദ്ര ഫിലിംസിന്റെയും ബാനറില്‍ രാജേഷ് ബാബു കെ ശൂരനാട് ആണ് ചിത്രം നിര്‍മ്മിച്ചിരിക്കുന്നത്.
കോ-പ്രൊഡ്യുസേഴ്‌സ് സബിത ശങ്കര്‍, വി പ്രമോദ്, സുധി. ഡിഒപി ഹുസൈന്‍ അബ്ദുള്‍ ഷുക്കൂര്‍, സംഗീതം രാജേഷ് ബാബു കെ, അസോസിയേറ്റ് ഡയറക്ടര്‍ ഷാജി നാരായണന്‍, പ്രൊഡക്ഷന്‍ കണ്‍ട്രോളര്‍ സുധി പി സി പാലം, എഡിറ്റര്‍ പ്രഹ്ലാദ് പുത്തന്‍ചേരി, സ്റ്റില്‍സ് രാകേഷ് ചിലിയ, കല വിപി സുബീഷ്, പിആര്‍ഒ പിആര്‍ സുമേരന്‍, ഡിസൈന്‍ മനോജ് ഡിസൈന്‍സ്.
Recent Comments