ഐശ്വര്യ രജനികാന്ത് സംവിധാനം ചെയ്യുന്ന ലാല്‍ സലാമിലെ രജനികാന്തിന്റെ പോര്‍ഷന്‍ പൂര്‍ത്തിയായി. കേക്ക് കട്ട് ചെയ്തുകൊണ്ടാണ് അണിയറപ്രവര്‍ത്തകര്‍ ഈ സന്തോഷം പങ്കുവെച്ചത്. മകളെ കെട്ടിപിടിച്ചുകൊണ്ട് മറ്റ് താരങ്ങള്‍ക്കും അണിയറപ്രവര്‍ത്തകര്‍ക്കുമൊപ്പമുള്ള രജനിചിത്രം നിമിഷനേരം കൊണ്ട് വൈറലായി.
വിഷ്ണു വിശാലും വിക്രാന്തും കേന്ദ്രകഥാപാത്രങ്ങളെ അവതരിപ്പിക്കുന്ന ചിത്രത്തില്‍ അതിഥി വേഷത്തിലാണ് രജനികാന്ത് അഭിനയിക്കുന്നത്. മൊയ്ദീന്‍ ഭായി എന്നാണ് കഥാപാത്രത്തിന്റെ പേര്. ചുവന്ന തൊപ്പിയും കുര്‍ത്തയും ധരിച്ചുള്ള രജനികാന്തിന്റെ ഫസ്റ്റ് ലുക്ക് പോസ്റ്ററും വൈറലായിരുന്നു.
Recent Comments