മോഹന്‍ലാല്‍ നായകനാകുന്ന തെലുഗ് ചിത്രം ‘വൃഷഭ’യില്‍ ലാലിന്റെ മകനായി റോഷന്‍ മെക എത്തുന്നു. പ്രശസ്ത തെലുങ്ക് നടന്‍ ശ്രീകാന്തിന്റെ മകനാണ് റോഷന്‍ മെക. രുദ്രമ്മാദേവി, നിര്‍മ്മല കോണ്‍വെന്റ് തുടങ്ങിയവ റോഷന്‍ അഭിനയിച്ച ചിത്രങ്ങളാണ്.
‘ഞാന്‍ റോഷനെ കണ്ട നിമിഷം തന്നെ മോഹന്‍ലാലിന്റെ മകനായി അഭിനയിക്കാന്‍ പോകുന്നത് ഇദേഹമാണെന്ന് മനസ്സില്‍ ഉറപ്പിച്ചു. റോഷന്റെ മുന്‍പത്തെ ചിത്രങ്ങള്‍ ഞാന്‍ കണ്ടിട്ടുണ്ട്. അദ്ദേഹത്തിന്റെ അഭിനയ മികവ് കണ്ട് ഞാന്‍ ഞെട്ടിയിട്ടുണ്ട്. ചിത്രത്തില്‍ റോഷന്റെ സംഭാവന വലുതായിരിക്കുമെന്നാണ് പ്രതീക്ഷിക്കുന്നത്.’ സംവിധായകന്‍ നന്ദ കിഷോര്‍ പറഞ്ഞു.
‘മോഹന്‍ലാല്‍ സാറുമായി സ്‌ക്രീന്‍ സ്പേസ് ഷെയര്‍ ചെയ്യാന്‍ കഴിയുന്നത് തന്നെ ഭാഗ്യമായി കാണുന്നു. ഒരു ചലഞ്ചിങ് വേഷമാണെങ്കില്‍ കൂടിയും നന്ദകുമാര്‍ സാറിന്റെ വിഷന്‍ അനുസരിച്ച് പ്രയത്‌നിക്കാന്‍ തയ്യാറാണ്. ഈ വലിയ ചിത്രത്തിന്റെ ഭാഗമാകാന്‍ കഴിഞ്ഞതില്‍ അഭിമാനിക്കുന്നു.’ റോഷന്‍ മെക പറഞ്ഞു.
വൃഷഭയുടെ ഷൂട്ടിംഗ് ഈ മാസം അവസാനം ആരംഭിക്കും. എ വി എസ് സ്റ്റുഡിയോസിന്റെ ബാനറില്‍ അഭിഷേക് വ്യാസ്, ഫസ്റ്റ് സ്റ്റെപ് മൂവീസിന്റെ ബാനറില്‍ വിശാല്‍ ഗുര്‍നാനി, ജൂറി പരേഖ് മെഹ്ത, ശ്യാം സുന്ദര്‍, ബാലാജി ടെലിഫിലിംസിന്റെ ബാനറില്‍ ഏക്ത കപൂര്‍, ശോഭ കപൂര്‍, കണക്ട് മീഡിയയുടെ ബാനറില്‍ വരുണ്‍ മാതുര്‍ എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്.
Recent Comments