ജസ്‌ലീന്‍ റോയല്‍ ഈണം പകര്‍ന്ന പ്രണയഗാനത്തിന് ചുവടുവച്ച് ദുല്‍ഖര്‍ സല്‍മാന്‍. ദുല്‍ഖറിനൊപ്പം ഗാനരംഗത്ത് അഭിനയിക്കുന്നതും ജസ്‌ലീന്‍ റോയലാണ്.
ദിന്‍ഷഗ്‌ന ദാ, ഖോഗയേ ഹം കഹാന്‍, ഡിയര്‍ സിന്ദഗി, സാങ് റഹിയോ, രഞ്ജ തുടങ്ങിയ ഗാനങ്ങളിലൂടെ ശ്രദ്ധേയയ ഗായികയാണ് ജസ്‌ലീന്‍ റോയല്‍.
ആദിത്യശര്‍മ്മയാണ് ഈ ഗാനത്തിന് വരികള്‍ എഴുതിയിരിക്കുന്നത്. അര്‍ജിത്ത് സിംഗും ജസ്‌ലീന്‍ റോയലും ചേര്‍ന്നാണ് ആലപിച്ചിരിക്കുന്നു. താനി തന്‍വീറാണ് ഈ മ്യൂസിക് ആല്‍ബത്തിന്റെ ഡയറക്ടര്‍. ഇതിന്റെ നിര്‍മ്മാതാവും ജസ്‌ലീനാണ്. തും ഹി ഹോ, കേസരിയ, ചന്ന മേരേയ തുടങ്ങിയ റൊമാന്റിക് ക്ലാസിക്കുകള്‍ സമ്മാനിച്ച അര്‍ജിത്ത് സിംഗിനൊപ്പം ജസ്‌ലീന്റെ ആലാപന ശുദ്ധികൂടി ചേര്‍ന്ന മാജിക് തന്നെയാണ് ‘ഹീരിയെ’ എന്ന് തുടങ്ങുന്ന ഗാനം.
വാര്‍ണര്‍ മ്യൂസിക് ഇന്ത്യ അവതരിപ്പിക്കുന്ന ഗാനം ഇപ്പോള്‍ എല്ലാ സ്ട്രീമിംഗ് പ്ലാറ്റ്ഫോമുകളിലും ലഭ്യമാണ്.
Recent Comments