വണ്ടര്‍ഫ്രെയിംസ് ഫിലിംലാന്‍ഡിന്റെ ബാനറില്‍ ബൈജു ചെല്ലമ്മ, സാഗര്‍, സനിത ശശിധരന്‍, എന്നിവര്‍ ചേര്‍ന്ന് നിര്‍മ്മിക്കുന്ന ജലധാര പമ്പ്‌സെറ്റ് സിന്‍സ് 1962 സിനിമയുടെ രസകരമായ സ്‌നീക്ക് പീക്ക് പുറത്തിറങ്ങി. ഇന്ദ്രന്‍സ്, ഉര്‍വശി എന്നിവരെ പ്രധാന കഥാപാത്രങ്ങളാക്കി ആഷിഷ് ചിന്നപ്പയാണ് സിനിമ സംവിധാനം ചെയ്തിരിക്കുന്നത്. ഒരു പുഞ്ചിരിയോടെ കണ്ടിരിക്കാവുന്ന രസകരമായ സംഭാഷണങ്ങളോട് കൂടിയാണ് സ്‌നീക്ക് പീക്ക് പുറത്തിറങ്ങിയിരിക്കുന്നത്. ഉര്‍വശിയും ഇന്ദ്രന്‍സും മാറി മാറി സ്‌കോര്‍ ചെയ്യുന്ന കാഴ്ചയാണ് വീഡിയോയില്‍ പ്രേക്ഷകര്‍ക്ക് കാണുവാന്‍ സാധിക്കുന്നത്.
സാഗര്‍, ജോണി ആന്റണി, ടിജി രവി, വിജയരാഘവന്‍, അല്‍ത്താഫ്, ജയന്‍ ചേര്‍ത്തല, ശിവജി ഗുരുവായൂര്‍, സജി ചെറുകയില്‍, കലാഭവന്‍ ഹനീഫ്, തങ്കച്ചന്‍ വിതുര, വിഷ്ണു ഗോവിന്ദന്‍, സനുഷ, നിഷ സാരംഗ്, അഞ്ജലി സുനില്‍കുമാര്‍, സ്‌നേഹ ബാബു, ഷൈലജ അമ്പു, നിത കര്‍മ്മ തുടങ്ങിയവരും അഭിനയിക്കുന്ന ചിത്രത്തിന്റെ ഷൂട്ടിംഗ് നടന്നത് പാലക്കാടാണ്. പ്രജിന്‍ എം പി, ആഷിഷ് ചിന്നപ്പ എന്നിവര്‍ തിരക്കഥ ഒരുക്കിയിരിക്കുന്ന ചിത്രത്തിന്റെ കഥ സനു കെ ചന്ദ്രന്റേതാണ്. സജിത്ത് പുരുഷന്‍ ഛായാഗ്രഹണവും കൈലാസ് സംഗീതസംവിധാനവും പശ്ചാത്തല സംഗീതവും നിര്‍വഹിക്കുന്നു. എഡിറ്റര്‍ – രതിന്‍ രാധാകൃഷ്ണന്‍, ആര്‍ട്ട് ദിലീപ് നാഥ്, പ്രൊഡക്ഷന്‍ കണ്‍ട്രോളര്‍ – ബിജു കെ തോമസ്, മേക്കപ്പ് സിനൂപ് രാജ്, ഗാനരചന ബികെ ഹരിനാരായണന്‍, മനു മഞ്ജിത്ത്, കോസ്റ്റ്യൂം അരുണ്‍ മനോഹര്‍, സൗണ്ട് ഡിസൈന്‍ – ധനുഷ് നായനാര്‍, ഓഡിയോഗ്രാഫി വിപിന്‍ നായര്‍, ചീഫ് അസ്സോസിയേറ്റ് ഡയറക്ടര്‍ – രാജേഷ് അടൂര്‍, കാസ്റ്റിംഗ് ഡയറക്ടര്‍ – ജോഷി മേടയില്‍, കൊറിയോഗ്രാഫി – സ്പ്രിംഗ് , വി എഫ് എക്സ് ശബരീഷ് (ലൈവ് ആക്ഷന്‍ സ്റ്റുഡിയോസ്), പി ആര്‍ ഒ ഏ എസ് ദിനേഷ്, ആതിര ദില്‍ജിത്ത്, ട്രെയിലര്‍ കട്ട് – ഫിന്‍ ജോര്‍ജ് വര്‍ഗീസ്, സ്റ്റില്‍ – നൗഷാദ് കണ്ണൂര്‍, ഡിസൈന്‍ – മാ മി ജോ, ഡിജിറ്റല്‍ മാര്‍ക്കറ്റിംഗ് അനൂപ് സുന്ദരന്‍.
Recent Comments