അരുണ്‍ മാതേശ്വരന്‍ തിരക്കഥയൊരുക്കി സംവിധാനം ചെയ്യുന്ന ധനുഷ് ചിത്രമാണ് ക്യാപ്റ്റന്‍ മില്ലര്‍. യുദ്ധക്കളത്തില്‍ ആയുധമേന്തി നില്‍ക്കുന്ന ക്യാപ്റ്റന്‍ മില്ലറിലെ ധനുഷിന്റെ ഫസ്റ്റ് ലുക്ക് സോഷ്യല്‍ മീഡിയയില്‍ തരംഗമായിരുന്നു. ‘റെസ്പക്ട് ഈസ് ഫ്രീഡം’ എന്ന ടാഗ് ലൈനോടുകൂടി, യുദ്ധഭൂമിയില്‍ മരണപ്പെട്ടവര്‍ക്കിടയില്‍ പടുകൂറ്റന്‍ ആയുധവുമേന്തി നില്‍ക്കുന്ന ധനുഷിന്റെ ചിത്രമാണ് അണിയറ പ്രവര്‍ത്തകര്‍ പുറത്തു വിട്ടത്. ഇപ്പോള്‍ ചിത്രത്തിന്റെ ഏറ്റവും പുതിയ അപ്‌ഡേറ്റ്‌സാണ് പുറത്ത് വന്നിരിക്കുന്നത്. ഇതനുസരിച്ച് ധനുഷിന്റെ പിന്നാള്‍ ദിനമായ ജൂലൈ 28 ന് ചിത്രത്തിന്റെ ടീസര്‍ പുറത്തിറങ്ങും.
സത്യജ്യോതിയുടെ ബാനറില്‍ ടി ജി നാഗരാജന്‍ അവതരിപ്പിക്കുന്ന ചിത്രം നിര്‍മ്മിച്ചിരിക്കുന്നത് സെന്തില്‍ ത്യാഗരാജനും അര്‍ജുന്‍ ത്യാഗരാജനും ചേര്‍ന്നാണ്. കന്നഡ സൂപ്പര്‍താരം ശിവരാജ് കുമാര്‍, തെലുങ്ക് താരം സുന്ദീപ് കിഷന്‍, പ്രിയങ്കാ മോഹന്‍ എന്നിവരാണ് മറ്റ് താരങ്ങള്‍.
മദന്‍ കര്‍ക്കിയാണ് സംഭാഷണം എഴുതിയിരിക്കുന്നത്. ജി.വി. പ്രകാശ് കുമാര്‍ സംഗീത സംവിധാനവും ശ്രേയാസ് കൃഷ്ണ ഛായാഗ്രഹണവും നിര്‍വ്വഹിക്കുന്നു. ദിലീപ് സുബ്ബരായനാണ് സംഘട്ടന രംഗങ്ങള്‍ ഒരുക്കുന്നത്. പിആര്‍ഒ പ്രതീഷ് ശേഖര്‍.
Recent Comments