ജെറോമാ ഇന്റര്‍നാഷണലിന്റെ ബാനറില്‍ ജീനാ ജോമോന്‍ നിര്‍മ്മിക്കുന്ന ‘പാസ്സ് വേര്‍ഡ്’ എന്ന ചിത്രം മഞ്ജീത് ദിവാകര്‍ സംവിധാനം ചെയ്യുന്നു. മോന്‍സി സ്‌കറിയ രചന നിര്‍വ്വഹിക്കുന്ന ചിത്രത്തിന്റെ ആദ്യപോസ്റ്റര്‍, തിരുവനന്തപുരം പ്രസ് ക്‌ളബ്ബില്‍ വെച്ച് ക്രൈംബ്രാഞ്ച് ഐജിപി ശ്രീജിത്ത് ഐപിഎസ് പ്രകാശനം ചെയ്തു. ചടങ്ങില്‍ നടന്‍ ജോസ് മുഖ്യാതിഥിയായിരുന്നു. ഒപ്പം മലയാളത്തിലെ പ്രശസ്തരായ അന്‍പതോളം താരങ്ങളുടെ എഫ് ബി പേജിലൂടെയും പോസ്റ്റര്‍ റിലീസ് ചെയ്തു.
സുഹൃത്തുക്കളായിരുന്ന രണ്ട് നാവികരുടെ വര്‍ഷങ്ങളോളമുള്ള പ്രതികാരം അവരുടെ മക്കളിലേക്കും ബാധിക്കുന്നു. ഒളിപ്പിച്ചു വെയ്ക്കുന്ന ചില രഹസ്യങ്ങള്‍ കണ്ടെത്താനായി ഒരു ഇന്‍വെസ്റ്റിഗേഷന്‍ ഓഫീസര്‍ കൂടി എത്തുന്നതോടെയാണ് ‘പാസ്സ് വേര്‍ഡ്’ ഉദ്വേഗഭരിതമാകുന്നത്.
താരനിര്‍ണ്ണയം നടന്നുകൊണ്ടിരിക്കുന്ന പാസ്സ് വേര്‍ഡില്‍ തെക്കേ ഇന്ത്യയിലെ പ്രമുഖ നടീനടന്മാരോടൊപ്പം ഹോളിവുഡില്‍ നിന്നുള്ള താരങ്ങളും അണിനിരക്കുന്നു. വലിയ ബഡ്ജറ്റില്‍ നിര്‍മ്മിക്കുന്ന ചിത്രം മലയാളത്തിനു പുറമെ ഇംഗ്‌ളീഷ്, ഹിന്ദി, തെലുങ്ക്, തമിഴ്, കന്നഡ ഭാഷകളില്‍ മൊഴിമാറ്റം നടത്തുന്നുണ്ട്.
മാര്‍ച്ചില്‍ ചിത്രീകരണം ആരംഭിക്കും. അമേരിക്കയിലെ കാലിഫോര്‍ണിയയാണ് പ്രധാന ലൊക്കേഷന്‍. കുറെ ഭാഗങ്ങള്‍ കേരളത്തില്‍ വെച്ചും ചിത്രീകരിക്കുന്നുണ്ട്.
ബാനര്‍ – ജെറോമാ ഇന്റര്‍നാഷണല്‍, നിര്‍മ്മാണം – ജീനാ ജോമോന്‍, സംവിധാനം – മഞ്ജീത് ദിവാകര്‍, രചന – മോന്‍സി സ്‌കറിയ, ഛായാഗ്രഹണം – ജിത്തു ദാമോദര്‍, എഡിറ്റര്‍- സിയാന്‍ ശ്രീകാന്ത്, ഗാനങ്ങള്‍ – ബി കെ ഹരിനാരായണന്‍, സംഗീതം – വില്യം ഫ്രാന്‍സിസ്, കോ-പ്രൊഡ്യൂസര്‍ – അബ്ദുല്‍ ലത്തീഫ് വഡുക്കൂട്ട്, ലൈന്‍ പ്രൊഡ്യൂസര്‍ – ഹാരിസ് ദേശം, ഡിസൈന്‍ രജിന്‍ കൃഷ്ണന്‍, പി ആര്‍ ഓ -അജയ് തുണ്ടത്തില്‍.
Recent Comments