ജീത്തു ജോസഫ് സംവിധാനം ചെയ്യുന്ന നേരിന്റെ ലൊക്കേഷനില്‍ ഇന്ന് ലാല്‍ എത്തി. ജീത്തുവും ലാലും ഒന്നിക്കുന്ന അഞ്ചാമത്തെ ചിത്രമാണ് നേര്. നേരിന്റെ ചിത്രീകരണം ചിങ്ങം ഒന്നിന് തിരുവനന്തപുരത്ത് ആരംഭിച്ചിരുന്നു.
വൃഷഭ എന്ന തെലുങ്ക് ചിത്രത്തിന്റെ ഷൂട്ടിംഗുമായി ബന്ധപ്പെട്ട് മൈസൂരിലായിരുന്ന ലാല്‍ അതിന്റെ ഫസ്റ്റ് ഷെഡ്യൂള്‍ പൂര്‍ത്തിയാക്കി കുടുംബത്തോടൊപ്പം ഊട്ടിയില്‍ എത്തിയിരുന്നു. അവിടുന്ന് ഞായറാഴ്ച കൊച്ചിയിലേയ്ക്ക് വന്നു. തിരുവോണം അമ്മയോടൊപ്പം ആഘോഷിച്ചു. അതിനുശേഷമാണ് ലാല്‍ തന്റെ ഹോം ടൗണ്‍ കൂടിയായ തിരുവനന്തപുരത്ത് എത്തിയത്. ലാലിനൊപ്പം ജഗദീഷ്, ഗണേഷ് കുമാര്‍, അനശ്വര രാജന്‍ എന്നിവര്‍ പങ്കെടുക്കുന്ന രംഗങ്ങളാണ് ചിത്രീകരിച്ചത്. രണ്ടാഴ്ചയ്ക്കുശേഷം പ്രിയാമണി കൂടി സെറ്റില്‍ ജോയിന്‍ ചെയ്യും.
Recent Comments