ഭാവനയുടെ ഏറ്റവും പുതിയ ചിത്രമായ ഹണ്ടിന്റെ ട്രെയിലര്‍ ശ്രദ്ധയമാകുന്നു. പ്രേക്ഷകരില്‍ ആകാംഷയും ഭീതിയും ഒരുപോലെ ജനിപ്പിക്കുന്നു എന്നതാണ് ട്രൈലറിന്റെ സവിശേഷത. കടുവ, കാപ്പാ തുടങ്ങിയ സിനിമകളുടെ വിജയത്തിന് ശേഷം ഷാജി കൈലാസ് സംവിധാനം ചെയ്യുന്ന ചിത്രം എന്ന നിലയ്ക്കും ഹണ്ട് ശ്രദ്ധ ആകര്‍ഷിക്കുന്നു. ജയലക്ഷ്മി ഫിലിംസിന്റെ ബാനറില്‍ കെ. രാധാകൃഷ്ണനാണ് ചിത്രം നിര്‍മ്മിക്കുന്നത്.
മെഡിക്കല്‍ ക്യാംപസിന്റെ പശ്ചാത്തലത്തിലാണ് ചിത്രം ഒരുങ്ങുന്നത്. അജ്മല്‍ അമീര്‍, അനു മോഹന്‍, അതിഥി രവി, രാഹുല്‍ മാധവ്, ചന്തു നാഥ്, രണ്‍ജി പണിക്കര്‍, ഡെയ്ന്‍ ഡേവിഡ്, നന്ദു, വിജയകുമാര്‍ എന്നിവരും ചിത്രത്തിലുണ്ട്.
മാച്ച് ബോക്‌സ് എന്ന ചിത്രത്തിന്റെ തിരക്കഥാകൃത്തായ നിഖില്‍ ആനന്ദാണ് ഹണ്ടിന്റെ രചന നിര്‍വഹിച്ചിരിക്കുന്നത് . ഷാജി കൈലാസിന്റെ സിനിമകളില്‍ സ്ഥിരം സാന്നിധ്യമായിരുന്ന പ്രശസ്ത ആര്‍ട്ട് ഡയറക്ടര്‍ ബോബന്റെ ദീര്‍ഘ കാലത്തിന് ശേഷമുള്ള മടങ്ങി വരവ് കൂടെയാണ് ഹണ്ട്. ജാക്‌സണ്‍ ഛായാഗ്രഹണവും കൈലാസ് മേനോന്‍ സംഗീതസംവിധാനവും നിര്‍വ്വഹിക്കുന്നു.
ചിത്രത്തിന്റെ റിലീസ് സെപ്തംബര്‍ അവസാനം ഉണ്ടാകുമെന്ന് അറിയുന്നു.
Recent Comments